|
كيف اعرف الناقة المنتجة بسم الله الرحمن الرحيم مرحبا ياخوان انا عندي بعير طيب ;)وودي اشريلي ضرايب اوخفت علشان اظربها بالفحل ماهي مواصفات الظروبة الطيبة الي يجي ولدها طيب باذن الله وسلامتكم |
تحيه الاخ احمد السلام عليكم ورحمة الله وبركاته نسأل الله ان يبارك لنا ولكم اذا تبغى تعرف الناقه المنتجه سهله وبسيطه اشتر عشاير حدرها عيالها والناقه اللي ولدها طيب اشرها واللي ولدها ردي اتركها |
اخوي احمد انا ادورلي فحل طيب ومادام عندك فحل طيب انا ودي اضرب عندك عندي نياق منتجات لكن اطلب منك طلب صوره له ولانتاجه وموقع ولا تهون وانشالله بداية الموسم انا جايك |
اسلام عليكم و رحمة اللة و بركاتة الناقة المنتجة الى امها طيبة و ابوها اطيب اذا ما جابت على شبه الفحل جابت على شبه امها و ابوها -- و ذا الناقة ما تضهر من امراح البدوى برخيص -- |
الاخ احمد السلام عليكم ورحمة الله وبركاته نسأل الله ان يبارك لنا ولكم اذا تبغى تعرف الناقه المنتجه سهله وبسيطه اشتر عشاير حدرها عيالها والناقه اللي ولدها طيب اشرها واللي ولدها ردي اتركها وشكرا |
اقتباس:
|
احمد الحل والافضل الي قاله الاخ عبدالله بن مطلق ولكن اذا مهي عشاير يعني خفت او غيره دور الي اصلها زين ومعروف وبعض البل شكلها طيب والاصل ردي وانتاجها عادي من فحول طيبه والبركه والتوفيق من الله ولو تبي تقني بالقيمه مناسبه عليك بالناقه الي عمرها زين وسدوها طيب ورقبتها دقاق ومطلعها زين وراسها وسط واذنها طيبه اختصرها لك (جرم ورقبه وراس متوسط) تكون اسعارها طيبه مهي من الي طايره سماء وباذن الله الله يباركلك بالفحل وانتاجه نشوفه على خير من خيار البل تقبل تحياتي |
اقتباس:
|
مع الاخ بندر عليك بأم رقبة نحيلة وطويله وهذا من واقع تجربه والتوفيق من الله عز وجل |
وانا اخوك حسب علمي عليك بالجرم والطول والراس والله يبارك لك .... |
اقتباس:
اضف إلى ذلك دور المربط الطيب والساس القوي |
اقتباس:
اقتباس:
نعم هذا هو الراي السديد بعد توفيق الله كرماً لاأمراً ياليت تذكر لنا مكان البعير نضربه وقت الهداد وللمعلومية عندي لك ضراب طيبات حيل إذا لك شف فيها أرسلي رقم جوالك من أجل أرسلك صورهن والله يكتب لنا ولك الخير وهذا رقم جوالي 0553444834 |
| الساعة الآن 14 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |