|
ابنشدكم يالنشاما السلام عليكم ورحمه الله وبركاته مسيكم الله بالخير جميعا عندي سؤال او استفسار عن وسم لدواسر بحثت عنه ولا لقيته وارجو من لديه معلومات ان لا يبخل علينا وهو الكاز فوق الثفنه على الفخذ الايسر و القلاده على الحلق وهلال على الرقبه من يسار ورقمه تحت الاذن بعد من يسار ابي معلومات عن هالوسم وش يرجع له الله لا يهينكم |
الاخ/سليمان التميمي مرحبا ومسهلا بالنسبة للكاز والهلال على الرقبة(حنوة) فهذا الوسم للصخابرة اما القلادة فهي للآابو سباع للمساعرة وإذا كانت القلادة قصيرة فللوسم للغيثات اتمنى اكون وفقت في افادتك |
طيب الله ثراك يا مسعود الحقيقه اني شريت جمل جذع وله ثلاث سنوات عندي الحين يبي يسدس الجمل ماهو ذاك الطيب اللى عليه العلم لكنه مقبول وطرح بكره حلوه من ناقه عليه الكلام المراد انه عليه هالوسم وكل من شاف وسم الجمل قال لا ترخص الجمل وانا والله ودي اشوف من وين هو وش اصله |
حياك الله ياسليمان ومشكور يابومحمد على المعلومات |
الله يحيك ويبقيك يا راشد ياهلابك |
رد: ابنشدكم يالنشاما الوسم يالغالي لاسعود الصخابره والمساعره قلادتهم شارعه مهيب مثل قلادة ال سعود الصخابره فال سعود الصخابره ياسمون الكاز والحنوه من يسار اضافه للقلاده لكي تفرقهم عن ال عفيص الصخابره ابناء عمومتهم لان ال عفيص ياسمون الكاز المثلوث والحنوه من يسار لكن ال سعود زادوا القلاده ,,,,,,,,,,,,,,,,واما المساعره لايسمون الكاز على الفخذ بل ياسمون الهادج مع القلاده وبعضهم لا ,,,,,, |
رد: ابنشدكم يالنشاما يامرحبا بسليمان ولاهنت ياامسعود ويا قهيدان على المعلومات |
| الساعة الآن 14 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |