انتاج البل المجاهيم على الفحول الصفر
 

ابي اخذ رايكم ياجماعة الخير ابي اسالكم واحد اخويانا سالني سوال وقلت ابي اطرحه لاهل المعرفه في المنتدى ؟ البل الطيبه المجاهيم اذا اضربناها على البعير الطيب الاصفر وش راح يكون الانتاج راح يقلبها الى صفر واذا في احد جرب اضراب البل المجاهيم يفيدنا الله يجزاكم خير

والله انا ما جربت لكن شفتلي مجاهيم مهدود فيها صفر والنتايج اللون على طول اصفر والعمار طيبه والرق طيب والوجيه فيها واغلبها متغيره وبعضها متعلقه بين وبين واما من ناحية الاذن والظهر فهي راجعه الى قوة الاصل ان غلب البعير جذبها وان غلبت الناقه جذبتها ومن ناحية الممشى قوي
لكن اذا كنت ناوي دور البعير اللي اصله قوي ولا عليك تتشوف شي يعجبك لان الصفر البواخر الطيبه ترجع للمجاهيم باي شكل من الاشكال
وهذا اللي انا شفت واللي انا اتوقعه
وعفاك

يا أخ فيصل , وانا بعد أذنك وأذن ألأخ محمد بن رشيد , بنظري أن الأطيب والأصل من ناحية الأب أو الأم هو اللي راح يجذب أكثر , والله أعلم .

مشكور ومقصرت وتقبل تحياتي وشكري

الله لا يهينكم ونبي احد هد له بعير يعطينا رايه

للرفع

انا شفتها في سوق الابل في الجنادرية
قبل سنتين اوثلاث

اشهد بالله انها كفو
واخير من امهاتها بواجد
وهي ماجات سواء
بعضها صفراء مجاهيم وبعضها مجاهيم وبعضها صفر دبس

انا اعتقد ان الي ذوده مهوب الاقصى يهد فيها اصفر اما عمرها
ولا ماضرها

واعتقد ان بعضها بيجمع بين كبر المجهم وممشى وادب الصفرء

لاهنت

واحد من الجماعه نياقه مجاهيم نياق بدوي زينه ومقيمه
شرو اعياله بعير اصفر ب70000 الف قعود عليه وسم احد المشاهير والفايزين بام رقيبه
المهم هدوه بعد ماهاج
وخرب البل روسها مجاهيم واذانيها خرع وباعوه ورجعو على بعيرهم
اناشفت بكار عندهم من بناته حقايق ما هي بزينه

الله لا يهينك

للرفع

ارحب يافيصل
النصيحه من مجرب المجهم لاتهد فيه الا مجهم
لان المجاهيم فريق لحاله
وان كنت ناوي ومحتد عليك بالاوضح لانه اشلى المغاتير على المجاهيم
وعسى الله يبارك في مالك وحلالك

تبقا الله لا يهينك اقرب للمجاهيم الصفر والله اعلم

لكن يا جماعة الأصفر الفاخر الطيب إذا هــد في مغاتير هل يقلبها أو تبقى وضح
وســــــلامــتــكـــــــــم

للرفع