هـذا مـا أصـاب الـقـعـود بـالـصـور .. يـالـيـت أحـد يـفـيـدنـا
 

عندي قعود طلع فيه امس حساسية في بطنه

من السره وورى ..

وفي الفخذ من ورى .

وذكر العقود ( الله يكرمكم ) منتفخ بالحيل

فاليت من عنده درايه بالمرض يفيدنا



http://www.alhadafa.com/uploadedfiles/images/6551.jpg




http://www.alhadafa.com/uploadedfiles/images/6552.jpg





http://www.alhadafa.com/uploadedfiles/images/6553.jpg

ابشرك مافيه الا العافيه
هذي حساسيه من الشجر وقت المخاضير تشبه الجدري /وعندي في البل هالحين اكثر من نصفها
والعام طلعت
وبعد فتره تقشر وتروح
الشي الوحيد اللي مستغربه انتفاخ خلف القعود فلا ادري لانها ماصابت الا النياق
تقبل تحياتي

الله يبشرك بالعلم الزين اليوم ودوم ياحاتم

سلمت على المداخله ..

الله يحفظك بحفظه

ياطلال كلام حاتم سليم هذا نوع من الجدري لكن النوع البسيط وإن شاءالله كم أسبوع ويروح وهو وقته بالصيف

هذي حساسيه اما من شجر اوبسبب نحل
قد جاء بكره عندي وطقيتها بنسلين ومن
ثاني يوم وهي طيبه

يحصل هذا من النامس (البعوض )
وكثرة الغسيل باصابون تزيله ان شاء الله
والبانسلين

سبق جاء في ناقه عندي

وعطيتها ابر بنسلين لمدة اربع ايام كل يوم 25 سيسي
ولكن ما اذكر هل هو يومي الابر او يوم بعد يوم والله ماني متذكر بالضبط
ولكن الي اعرفه اربع ابر بالضبط

ومن ثاني يوم او ثالث يوم ابشرك بتشوف انشاء الله مايسرك

وللمعلوميه البنسلين مايضر بشي

بس عطها الابر ( الجرعه ) على حسب كبر القعود او صغره استشر الطبيب بكمية الجرعه

السلام عليكم ورحمة الله وبركاته

الأخ : السمي

من ناحية خف البعير عطه بنسلين مدة 4 أيام متواصله علي حسب عمره وفنديل هندي 20 سم مدة 4 ايلم متواصله وأدعيلي يسمي . والله أعلم

تقبل مروري .

هذا والله العالم انه نوع من انواع الجدري وعلاجه عند الصيدليه بنسلين ومعه بعض الفيتامينات
ومايشوف شر ان شاء الله

اذاكان جلده قاسي فهو مرض القثام

وطبه الكي ولا يوجد له علاج في الصيدلايات
قد صارت معي في نافه طلعت الشيب في عيوني
واخيرا لقيت علاجها الكي
الابره ما تخش في الجلد الا بالقوه

ياللي اعرفه كانه جدري احذر ثم احذر يا اخوي انك تجي المطيه وانته متعطر او فيك ريحه طيب <<< اي نوع من العطور الطيبه

لاني سمعت انه يزيد وينكس بالمطيه .. وهذا والله اعلم ..