|
وش علاج الهيام ياجماعه00 مساء الخير ودي تفيدونا عن علاج الهيام جزاكم الله خير |
والله يابن الحلال علاج علاج ماأضن فيه لكن الرشاد والبرسيم الرطب بإذن الله انه علاج والطريقه انك تخمر الرشاد في صطل وتخليه اقل شي ربع ساعه ومن ثم تحط لك ملا طاسه الصغيره مع شوار والا شعير مجروس وتخلطه وبإذن الله انه علاج انا قد شفت واحد يداوي ناقه عنده فذالطريقه والناقه تغيرت بس مدري هي برت والا لا |
علاجه بأذن الله أبر عند البيطري تسمى أبر الهيام / او الزنبور وفيه هنديه حاره وفيه فرنسيه بارده وعليك بالفرنسيه وأن شاء الله تطيب |
وانا مع ابن عجين ابرة ( هيام ) فرنسيه باذن الله وحده بوحده |
عليك بأبرة الهيام الفرنسية من عند البيطري باذن الله وحده بوحده |
السملرسان الفرنسيه 20 سم في اللحم وحده بوحده ولا تاخر |
مثل ما قالوا لك الربع علاج الهيام .. ابرة الهيام وعليك بالفرنسية ( سيميلر سان ) وسلامتك |
علاج الهيام أبره فرنسيه طال عمرك والحاضرين , وبأذن الله تبراء . |
فيه ابر وانواع كثيره وفيها الحار وفيها البارد وعليك بالبارد لان الابره الحاره في هالقيض احتمال لها اضرار ولكن البارده مابها إلا كل خير انشاء الله ربي يشفي ناقتك |
السلام عليكم ورحمة الله وبركاته الفرنسيه في هذا الوقت زين اما الهنديه زينه وأحسن منه مفعول بس مشكلته حاره وتخليه خامر وبارك البعير مدة 12 ساعه من قوة المفعول دواء والله أعلم . تقبل مروري. |
ابره الهيام الفرنسية 20 سم |
علاج الهيام .. ابرة الهيام وعليك بالفرنسية ( سيميلر سان ) وسلامتك |
يالربع هل ابرة الهيام الهندية لها ضرر على النياق المعاشير لاني دقيتها بوحدة من المعاشير بعد الفجر ومن دقيتها وهي مهيب طيبه ماسرحت بركت وماتحركت من محلها الى اخر النهار وهل ذا الابرة تعطى مرة وحدة فقط ؟ |
| الساعة الآن 41 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |