منتـديـات مــزايـن - المغـاتيــر ..

منتـديـات مــزايـن (http://www.mzayan.com/vb/index.php)

- الوسائط المتعددة لمزاين (http://www.mzayan.com/vb/forumdisplay.php?f=105)

- - المغـاتيــر .. (http://www.mzayan.com/vb/showthread.php?t=24754)

المغـاتيــر ..

السلام عليكم ورحمة الله وبركـاته

قصيده كتبتها في جدي / فيصل بن سعيد بن سدحان القرفي البقمي .

وفي أبله

واتمنى ان تنـآل على اعجابكم ..

ياماحلا المسـراح عنـد المغاتيـر=وضح البكار اللـي يجمـل قناهـا
وضحن ليامنهـا نـوت للمشاويـر=تخلـي الذيـدان تقـعـد وراهــا
ان اقبلت كنها المـزون المزابيـر=وان دبرت يـاالله تستـر علاهـا
وضح الطرب ما اسمع بها يامسافير=رثم الخشوم اللي غمرنـي غلاهـا
والروس تذهل فارقه شكلهـا غيـر=فيها الكبر سبحـان ربـن زهاهـا
غزايـزن نـدر تفـوق التعابيـر=كسبن لنا مبطـي ونتبـع هواهـا
والوسم لامن طاح جتنـا التباشيـر=لوكـان فـي دارن بعيـدن مداهـا
انسوقها لـه لـو تجينـا معاسيـر=مدامها تمشـي مانحسـب عناهـا
نرعا بهـا خـدن ملتـه النواويـر=ونرعى بها كل الفيـاض وحياهـا
واليا ضمت تارد على جمة البيـر=تشرب غصب محدن يجي في نحاها
حنا هل البـل مذهـلات التفاكيـر=واللـي يباهـا نردعـه ماخذاهـا
في راي فيصل ماتحادا عن السيـر=سديـد رايـن والمراجـل حواهـا
جدي ليا جولـه رجـال مساييـر=يقـوم فالواجـب ويكـرم لحاهـا
يالله تجيره من صـدوف المقاديـر=عسى المنايا عنه تقصـر خطاهـا
من روس قومن كلوبوهم مناعيـر=لاد الحميـدي مسنـدي واتبـاهـا
خوينا دايـم علـى العـز والخيـر=وقومـن تعادينـا بيلعـن ثـواهـا
تاريخنا شامـخ مثـل قمـة النيـر=امجادنا تصعب علـى مـن يباهـا
وكل القبايل نعم من دون تقصير=كلن وقـف دون الـديـار وحمـاهـا

صح لسانك يا عبدالعزيز

ويستاهل جدك أكثر من كذا

الله يبارك لك ويبارك له

فيما أعطاكم الله ..

والله يعطيك العافيه

عبدالعزيز صح السانك وبيض الله وجهك ويستاهل جدك وانت كفو وتقبل تحياتي وشكري
ودمت بوود

كفو والله

صح لسانك مدد بلا عدد

والله يبيض وجهك على هالرائعه

صح بدنك ياطلال الروقي

وماعليك زود يالغالي

وانت تستاهل كل خير

شرفتني بمرورك

..

صحت أبدانكم جميع

ولاهنتوا فردا فردا

..

صح لسان جدك , يستاهل البل , و تستاهلون الخير يا عبدالعزيز

صح لسانك قصيدة عز الله جزلة

ونت كفو وجدك يستاهل كل علم غانم

صحت أبدانكم جميع

ولاهنتوا فردا فردا

..

صح لسانك وكفو بك وبجدك واللي انت منهم

بيض الله وجهك ياعبدالعزيز

رد: المغـاتيــر ..

يامرحبا يامحمد المقاطي

وماعليك زووود

صح بدنك

رد: المغـاتيــر ..

صح لسانك قصيدة عز الله جزلة

وانت كفو وجدك يستاهل كل علم غانم لاهنت

رد: المغـاتيــر ..

صح لسان جدك الله يطول في عمره على الطاعه
جزل ولايجيب الا جزل