|
دعوه للتعرف على بعض من موطن جمال الإبل.. بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين أخواني الكرام أعضاء منتدى مزاين السلام عليكم ورحمة الله وبركاته رغبة مني وحسب معرفتي بموطن الجمال في بعض من الإبل بجميع أنواعها أحببت أن أضع أمام ناظريكم بعض من الصور لجميع فئات الإبل سواء كانت مجاهيم أو مغاتير وذلك ليتعرف من تنقصه الخبره في موطن جمال الإبل على بعض صور الإبل الجميله وأتمنى من الله العلي القدير أن يحوز الموضوع على رضاكم.. وإليكم بعض من صور مزايين الإبل التي جمعتها عبر مريح الكسالى أمثالي العم قوقل.. وهذي صورة بكره مفروده ولونها صفراء..  وهذي صورة بكره مفروده ولونها مجهم..  وهذي صورة بكره حقه ولونها وضحاء..  وهذي صورة ناقه ثنو ولونها حمراء..  وإذا ترى أن إنتقاء الزين سيصعب عليك مستقبلاً بعد هذه الصور المرفقه فنصيحتي لك بالتوجه فوراً إلى ساحة هذه الصوره التي ستظهر لك بدون تردد للإنضمام معهم إن قبلو بك هههههه.. 8 8 8 8 8 8 8 8 8 8 8 8 8 8 8 8  بدون قصور في حق أحد من الآعضاء ودمتم بكل ود ..:) |
بيض الله وجهك يا راشد |
اقتباس:
تقبل تحيتي وإحترامي |
هههههههههههههههه والله العظيم انه موضوع رائع من كاتب رائع ابداع وروعه في توصيل الفكره عبر نمط جديد في الكتابه لا هنت يالغالي والله ياراشد من اجمل المواضيع اللي قرأتها والصور كلها معبره خصوصا الاخيره ....نهايه حتميه ومأساويه اخوك ابوخالد |
اقتباس:
اقتباس:
زين يابو عوض إنك رفعت من معنوياتي شوي عسى الله يرفع من قدرك دنيا وآخره.. تصدق يابو عوض كنت أفتكر إني ماقدرت أوصل الفكره بطريقه سلسه يتخللها نوع من الفكاهه ولكن حمداً لله أول الغيث قطره وها أنت أول من فهم فحوى الرساله وإن شاء الله إن الموضوع يلقى تفاعل من النشاما شرواك يالذيب.. شكري وتقديري لشخصك الكريم .. |
بيض الله وجهك وشكرا علي الفائدة وموضوع شيق وشكرا |
السلام عليكم ورحمة الله وبركاته . |
اقتباس:
تقديري وأحترامي |
اقتباس:
|
أقول راشد إلا بمسجدنا كان يصلي الامام الفجر وكان يقرا سوره البقره يوم وصل الايه انها بقره صفراء غلط الامام قام يرددها مرتين انها بقره صفراء انها بقره صفراء يبي احد يردعليه اللي وراه كلهم شيبان مايعرفونه ساكتين طول عليهم يردد انها بقره صفرا يقوم واحد من الشيبان قال في جيدها حبل من مسد والله ما فيه احد من الصف كمل صلاته كلهم قطعو صلاتهم وطلعو برى يضحكون هذا أنت ياراشد ضحكتنا أضحك الله ضرسك ومع الفايدة والمتعة بيض الله وجهك وتسلم |
وعليكم السلام ورحمة الله وبركاته لاهنت ياراشد على الموضوع الراائع |
مميز+مميز=مميز لكن هل الوضحا الحقه على قولك الي عليها هجار العرينات طبيعيه اعني ماهو معدل خشمعا بالفوتشوب؟؟؟ |
اقتباس:
اقتباس:
هههههههههههههه والله وتوهق الشيخ الله يجزل لهم الآجر والثواب,على باله إن كل من صلى بيحفظ الصور القرآنيه كلها ومادرى إن هاللي خلافه كلهم شياب والجيد منهم اللي يحفظ المعوذات الثلاث هههه!! وتدري ياعالي عاد مدامك جبت هالروايه بأجيب لك أختها وإن شاء الله إنك تستمتع بقراءتها كما في السابق وعسى تضحك ضروسك كلها هالمره.. ويقولون والعهده على الراوي إنه في الزمان السابق كانو الناس يعيشون البساطه في التعليم وفي كل شي لدرجة أنهم كانو لايفقهون من أمر الدين إلا الشي اليسير,وطبعاً كانو مجتهدين قدر المستطاع رغبتة منهم في كسب مغفرة الله بإذنه تعالى,!! وطبعاً كما تعلم ويعلم الجميع أن الناس في الماضي كان معظمهم يجهل بقراءة القرآن الكريم إلا من تعلم على أيدي الكتاتيب في ذلك الوقت,وخاصه ابناء الباديه الله يرحمهم برحمته,والبقيه الباقيه صورتين وياطيب اللي يحفظها زين ولايقطّع فيها,!! وفي يوم من الآيام إتفقو رهط من القوم (حلوه رهط ) الذي يعيشون في الباديه ورغبة منهم في كسب أجر الجماعه وإتفقو فيما بينهم إن من يعشيهم ذاك الليل يكون هو الإمام الذي يئمهم بالصلاة وخاصة صلاة العشاء,!!! فكان بعضهم لايحفظ إلا صورة الفاتحه فقط,وأفهمهم إنه لايحفظ إلا سورة الفاتحه وكان إسمه حمد وقال لهم يالربع أنا ماأحفظ إلا الفاتحه,فكيف تبوني أصلي بكم,؟؟ فردو عليه جميعاً وقالو ياحمد لاأميت بنا وقريت الفاتحه فبإذن الله سوف ينزل الله عليك سورة من عنده,؟؟ فقال مدام الآمر كذا فخير إن شاء الله وعشاكم عندي القابله وتراني إمامكم.. وعلى العموم حمد سوا عشاء ربعه وقبل لايعشيهم أذن لصلاة العشاء لإنهم ملتهين في حلالهم ولايجتمعون إلا في صلاة العشاء,ويوم توالفو وهو يتقدم فيهم ويقراء الفاتحه كامله وهم صافين وراه ويتحرونه يقراء الصورة الثانيه ويخلصون صلاتهم حتى يتعشون ويمسون,!! ولكن ما من علم ,الآخ حمد صار ماله مهنه إلا إنه يحرك يدينه ويناظر للسماء ويحتري السوره تنزل عليه حسب كلام ربعه ههههههه,!!! ويوووم خذله مده وهو على هذا الحال إلا وذاك الواحد اللي متآخر عن الصلاه وجايك مستعجل يبي يلحق على صلاة الجماعه,وهو يشوف حمد يحرك يدينه الثنتين ويناظر فوق,فتجعب من تصرفه هذا وهو يسآله ويقوله ياحمد وش أنت مضيع,؟؟ ويرد عليه حمد بسرعه لعله يعرف شئ من السور ويخلصه من الموقف اللي وقع فيه,وهو يقول مضيع سورة ماريتها (آي ما رآيتها)قال خويه المتآخر خافها الآبتر,وهويقصد بذلك صورة الكوثر,ويرد حمد هي إياها والله أكبر ويكبر بالجماعه وكآنه بذلك قد حصل على مبتغاه ههههههههههه,!!!! وبهذا ياعالي صلى حمد بالجماعه وعشاهم ذيك الليله وعسى الله يعفى عنا وعنه وعن جميع المسلمين.. وهذي هي الروايه وعساها تعجبك وأتمنى أنها تزرع الإبتسامه على شفاه الجميع... دمت بخير أخوي عالي |
اقتباس:
تحيتي وإحترامي |
اقتباس:
اقتباس:
أرحب يابو جهيم والتميز مرورك وطلتك علينا في هالموضوع.. وبالنسبه للتعديل فما عندي فيه علم وربما يكون صحيح أن الفوتوشوب عامل عمايل ولكن أنا وضعتها بالصوره التي حصلتها عليه والله يسامح اللي بيعدل له شي ونيته فيه خدعة البعض وعلى باله إن الناس ما تعرف الزين من الشين.. عموماً أسعدني مرورك ولك التقدير والتحيه. |
| الساعة الآن 07 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |