استفسار لأهل الأنتاج والخبره في الأبل
 

كيف حال أهل المنتدى

عندي استفسار بسيط ونبي تكون فيه مناقشه وضرب للأمثله لو حصل
السؤال هوا
لو حصل لك بعيرين ومتقاربات بالشكل
الأول أبوه بعير طيب جداوانتاجه للمزاين بس أمه ناقة عاديه او حليوه
الثاني أمه ناقة طيبه وبطنتها ذهب بالعربي ناقة أنتاج حق مزاينات بس أبوه بعير زوين وساسه زين بس ما هو مشهور بالانتاج يعني أنتاجه أبل مقنوي وفوق البداوة شوي

وش تهد بينها في ذودك

هد الاول

يامرحبا بالاخ الغالي
سؤالك مفيد واجابته مهمه والنقاش حوله مثمر
لو كان البعيرين في مراحي نصفت البل بينهم
لو كان الخيار بين الاثنين ولا اقدر اجيب الا واحد ...............هذي المشكله؟ وهنا الصعوبه
نفسيا ودي اهد اللي ابوه اطيب
واحترافيا وحسب شغل البدو من اول اهد اللي امه اطيب
تدري ....... اهد اللي امه اطيب
تقبل تحياتي

وعليكم السلام ورحمة الله وبركاته
صحيح ان موضوعك مهم ويحتاج الى المناقشه
والي متعارف عليه عند البدو ان الام مهمه جدا في تفحيل القعود
واذا انا منك بفحل الاول اذاا ساس امه طيب ولو هي من متوسط الابل
انا عندي قعود مفحله ابيه معروف وانتاجه راح باقيام عاليه
لكن امه من متوسط الابل بس ساسهااااا طيب جدا وبطنهااا ذهب

برائي أهد الأول

اقول تهد الثاني

السلام عليكم

أهم شيء الإنتاج .

من رايي تهد الي له ساس
لو ما الله رزقك منه بالانتاج ما انت بمفلس من الساس

يجزاكم ربي خير على النقاش الطيب وعلى التفاعل
الأول أقصد فيه أن أمه عاديه وساسها ما هو اللي طيب جدا
الثاني أمه معروفه أنها منتجه وأبوه ساسه زين وبناته فوق البداوه

الام لها دور كبير
هد الثاني والله اعلم

وعليك السلام ورحمه الله وبركاته

البل فحل والفحل ساس

انكانك تبي بكار مزاين لاتهد ولا واحد فيهم

والسبب اذا تبي تفحل قعود لازم يكون ابوه انتاجه طيب وامه ام فحل في الشكل والساس

وفيه قعدان واجد افشلت وتلقا ابو القعود انتاجه طيب وامه شكلها طيب (لكن جدته من امه منيحه والشي ذا اثر على ساس امه)

هد الثاني
وفالك الزين

انا مع الاخ فهد ال زبدان في كلامه
والشيبان يقولون ((هد الفحل وتجيك امه وخواته))

أخوي خالد الأم ألأم ألأم لها دور فعاااااااااااال في أنتاج البعير أتحداك تلقاى بعير طيب ونتاجه طيب بس أمه ماهي طيبه هذا شي مستحيل
وبعدين تبغا تشوف أنتاج قعودك وهو مابعد أنتج شف خواته من أمه أنتاجه يجي مثل خواااته
وشــــــــــــــــــــــــــــــــــــــــــــــــ ــــــــــــــــــــــــــــــــــــــــــــــكـــ ـــــــــــــــــرآآآآآآآآآآآآآآآآآآ

الجواب في بطن السؤال
انت تقول ان الاول انتاجه حق مزاين
خلاص
يعني هو الافضل
لأنك تبي انتاج
ماتبي تصوربه