|
رعيان البل الهنود اخوانى الاعزاء الى يعرف رجال ثقه يجيب رعيان اهل ابل من راجستان الله يجزاه خير ويرحم والديه لايبخل علينا يعلمنا بعنوانه وارقامه لان اخواننا الرعيان السودانيين ما الله وفقنا معهم كرعيان ابل ارجو فزعتكم والله يرعاكم |
يا اخوان افزعو لنا |
وينكم ياالربع |
الله يسهل امرك |
وانا مثلك يا عبدالعزيز أدور ..!! |
السلام عليكم لازم تكون المعرفة في راجستان نفسها يعني تدور لك هندي هنا من راجستان ويدورلك رجال جيد ثم تسوي وكاله للمكتب في بومبي ويخلص لك الاجراءت الوكالة تسويها من مكاتب الاستقدام السعودية ب 150 ثم ترسلها للمكتب في الهند والمكتب في الهند له عنوان واضح وارقام تلفونات بامكانك تنسق معه وانا جربتهم وجيدين بس لازم انت تدور العامل وهو يروح لهم يخلصون له الاجراءات انا جبت من راجستان بهذه الطريقة والحمد لله عمال راجستان ممتازين جدا ويتحملون كل شي يتحملون الحر واي شي ياكلونه وصبورين بالحيل ومطيعين ومع ذلك فيهم فطنه وذكاء ويتعلمون بسرعة اذا تبي ارسلت لك عنوان المكتب كلمهم وهم يتكلمون عربي بتقدر تتفاهم معهم |
ياليت يانوااف ترسله لنا .. لاهنت |
الله يجزاك خير يانواف بتخدم كثيرمن اهل الحلال الله يوفقك ويا ليت بعنوان المكتب على قول الاخ طلال وان حصل بعد00 توصيه من عمالك الى عندك على رعيان يعرفونهم وينصحون فيهم0000ونكون لك من الشاكرين |
والله ما تنلامون يالربع ذا السوادنه دبلوا كبودنا الله يقلعهم ويبدلنا بأخير منهم |
امين00 الله يرزقنا الطيب من عباده |
من الطرق المثمرة تذهب لصاحب مكتب استقدام ثقة وهو اللي يروح للهند بنفسه ينزل عاملك من ظهر بعيره هناك وان بغيت سواق للعايدي ترى موجود في ديرتهم مكانيكي وسواق ممتازين يعني تجيب اثنين وتريح نفسك براتب سوداني واحد :cool: وأهم شي يتفاوض معه بالأعمال والشروط حتى ما يغثك لاجاك هنا بيئة راجستان قريبة للبيئة الصحراوية عندنا |
نواف لله يجزاك خير تكفاا ارسل عنوان المكتب تخدم الجميع |
أي والله تكفااااا , العمال دوخونا |
الله يجزاك خير يانواف بتخدم كثيرمن اهل الحلال الله يوفقك ويا ليت بعنوان المكتب على قول الاخ طلال وان حصل بعد00 توصيه من عمالك الى عندك على رعيان يعرفونهم وينصحون فيهم0000ونكون لك من الشاكرين تكفي يا نوا ف انت ابوها وسمها انا الدور علي سواق ورا عي </B></I> |
الاخوان الكرام هذا عنوان المكتب في الهند وانا تعاملت معهم لكن عن طريق هندي اعرفة وهو نسق معهم ونسق مع العامل وبالامكان ان ينسق لكم اي عامل من راجستان هنا وتوكلون هذا المكتب وهو يخلص لكم الاجراءات والوكاله تعمل من مكاتب الاستقدام الاهلية السعودية بمبلغ 150 ريال وترسل الاوراق بالدي اتش للمكتب وان شاء الله يخلصون لكم الاجراءات واذا تعرف العامل بالامكان ان تحدد اسمه ورقم جوازره بالوكاله وان شاء الله تعاملهم طيب ولانزكي على الله احد ولا احد يحملني مسؤلية عدم تعاونهم معه انا ذكرت ماواجهت معهم فقط http://www.ii1i.com/uploads6/dae45d4420.jpg |
| الساعة الآن 53 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |