متى تبين ملامح الحوار ..............عيال...كحيلان
 

حياك الله يا سعود

اربع شهور ما ينحكم علي زين فيه ولا شين

في بعض القعدان ليا نفرد يزين وبعضهم لين يجذع ...... ماهو شرط ان ابوه طيب يجي طيب

ولا هي ( عاده يقتدا بها ) عند كحيلان ان عياله يجون لي عمر ويزينن

كحيلان ساسه طيب وان ام القعود طيبه واتعرف مجناها اقضبه

حكام البشر واهم حكام يجي من عيالهم الطيب والردي ويبقون عيال حكام .... دون الأبل

اهلا وسهلا اخوي محمد لي الشرف بمداخلتك
ام القعود طيبة ولله الحمد والمنة جميع انتاجها على الفحل اللي يضربها الله يطرحبها البركة ولكن اول مرة اشوف انتاجها ادون من بقية عيالها اللي قبلة

ان كان انتاجها تردي............ عود شوف اخوان وخوات القعود من ابوه مفاريد

والقعود توه اربع شهور ما ينحكم على طيبة ورداه اصبر عليه لين ينفرد

وتالي اما يقنعك وتقضبه ولا بيعه

|اذا الخيار بين حوارين الزين منها ساسه وسط والعادي منها ساسه طيب . ماذا تختار؟
نظرتي الخاصة أن الشيء من ولادتة اذا كان زين حتى اذا تغير بعدين فإنه إذا لقى أو جذع يزين يعني (مايخيب) حسب تجربتي .

السلام عليكم ورحمة الله وبركاته
ياجماعة مثل ما قالو الاولين
الولد والقعود مخلفات الوعود
على حسب تجربه مريت بها

الحوار الناهي الناهي يبان من صغره
والزين المقنوي يتغير مع الوقت وقد يفاجئك حوار عادي بانه زين حق او لقي والعكس
تقبل تحياتي

القعود مخلف الوعود
والقعدان الأساس هو المهم
وبعدها يجي الأنتاج
وهو المقياس
الله يوفقنا وياك للي فيه الخير