علوم السوق
 

مساكم الله بالخير جميع

يالربع وش علوم الاسواق هاليومين

من ناحيتي كنت في سوق الخرج يوم الخميس والله يالسوق انه مندمر دمار

الخلفات اللي خبري بها على 20 وفوق ذا الزمان تلقاها على 10 ودون

والله يافيه واحد اسمر دوسري من هل الوادي معه ثلاث خلفات اباكير واللي تحتها بكرتين وقعود ومن وجهة نظري انها كفو الكفو جباره و رفع وروس وديد هش وسلم من كل شي وماشاء الله تبارك الرحمن وحدة منهن عطفوها الرجاجيل وماشاء الله تبارك الله ملت السحله ام 60 ان ماخاب ظني ولا تحركت وودك بها ولا بعشر وشي شي بس وين الشرايه
وماسميت الا على تسعة الاف

يالربع عطونا علوم الاسواق اللي حولنا خلنا نترزق الله

يالربع مايصير عانوا المشاهدات ولا رد

الشكوا لله

بالنسبه للمجاهيم
الزين اغلى منه العام
والباقي نازل
تقبل تحياتي