منتـديـات مــزايـن - وصف البل لحبيب الخالدي

قصيده في وصف البل للشاعر الكبير حّبيّب بن حمد الخالدي
شاعر غني عن التعريف وشاعر محاوره صعب وجزل وقوي
له العديد من القصائد

اليكم احد قصائده

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
ياعل دار تربه شمخ النيبي=تاخذ ثمان اجبة والسحب تدبها

من طلعة النور لحل المغايبي= سحب تعاقب مع نكبا تلاعبها

من مزنة كن باطرافه لواعيبي=كن النمش ينفضونه في جوانبها

يسيلنا مدهل العرب(1) الحنازيبي = لين الملازم تملاله مواهبها

من زور لوذان لضلع المراقيبي=في كل جوٍ امشارعة ذواهبها

لما تشيل الشحم بيضا محاقيبي=ويصير مثل الوقايا فوق غاربها

يبني عليها الشحم مثل المهاظيبي=احجوز خلف السنام وقدام حاجبها

كوده يدير الفلك للفطر الشيبي=ارفع لها الشان ياداير هبايبها

اطرح لها الغيث من سود المهاديبي=لين الزماليق تنبث في خبايبها

غبوقت الضيف في حل المواجيبي=سند الغوارب جليلاتٍ محالبها

يازين بشعوفها شوف الدباديبي=ويازين بظهورها شوفت جنايبها

ويازين لروحت من خايع الطيبي=سحج العشاير تراطمبه ضرايبها

لوحت هديرالجمل كنها معاطيبي=كن الخيل مع مجل الورك ضاربها

وان عاج عمره لها تطنب تطانيبي=مزين تكيفخ على الحاجب سبايبها

واللي ترزم تصوته تلحق الصيبي=مزين زغيمه على الساقه يجاذبها

وان وردوا فوق عدٍ له تناديبي=والكل منهم بصوته قام يندبها

بقران حادي(2) وفي حر اللواهيبي=ريح العبس فايحٍ والقيظ حاظبها

واليانهمها غدا عنده تحاطيبي=أطرافها ترتكيله في مناكبها

وان شافت الدلو من بين الجواذيبي=مزين تليطم على الطاره شواربها

كم واحدٍ عندها حلى عشا الذيبي=ولانبياء عندها طارت عصايبها

تكفون ياللي تعرفون المواجيبي=اغلوبها واحربوا من كان حاربها

تكفون لا ترخصونه يالمعاطيبي=يوم اهزلت حالها والوقت خانبها

يابد من خايعٍ نبته تعاجيبي=وان رودمت قصبها توفي مطالبها

يازين لا روحت وانحت جناديبي=من عقب شده وضو البيت تجذبها

يازين خلفه تعيوال الملاهيبي=خلفٍ مصاغير حيرانها تعاقبها

وان وقف اللقح من بني الاطانيبي=حيرانها والشذا مزين تليعبها

تمت بذكر الله اللي يعلم الغيبي=عدة نجومٍ تناحت في مغايبها
[/poet]
الشاعر / حّبيّب حمد الدليهي الخالدي

مغليكم
محمد بن جاري