وش علاج الخراج؟؟
 

أنا عندي حوار في فكه الأيسر خراج (( انتفاخ )) مدري وش علاجة

الللي يعرف علاجه لا يبخل علي؟؟

14 رجال ولاأحـــد منهم يعرف العــــلاج؟؟

الخراج بإذن الله ما راح يضره
أتركه لين يفتح من حاله وبإذن الله ما عليه شر

هذه الأنواع من الخراريج تنتقل عن طريق العدوه وخصه اللي تصيب الفك الأيسر ومامنها مضرة بحول الله وقوته
ولو بحثت في بعض ابلك أعتقد أنك ستجد ناقة مصابة بنفس المشكلة.

لاهنت أخوي فهد الأحمد على مرورك العطر

يسعدني مشاركتك

الخراريج اللي تصيب الحيران في روسهن عادة تختفي بعد فترة والكثير منهن مالة اي تأثير ولكن أذا كان الحاشي متأثر منة فأفضل دواء لة هو الأتي (من واقع تجربة):
1. الدهان مرتين يوميا بالكريز الاسود حتى يلين وعادة ياخذ فترة أسبوع وذا لان تجرح راسة بموس وتعصرة من اللي فية وتنظف بماء اكسجين وبعدها بعايدين أو صبغة اليود أو الفليت الازرق اللين يختفي.
2. توسم راس الخراج أذا كان يابس برزة صغيرة (راس مسمار) وتنظية وتخلية اللين ييبس محل الوسم ويطيح وتنظفة وتداوية بالخطوات السابقة.
( الكريز الاسود المقصود هوالذي يحتوي على مادة الأكتيمول ترى فية غيرة يستعمل للقرع ومكتوب علية بالانجليزي "رنج وورم"والأول هو الافضل)
3.الخطوات المذكورة تستخدم كذلك للأبل الكبيرة لعلاج الطواليع والاورام.

صح وكلام اخوي فهد ميه الميه وعندي بالحيران كثير مثل هالحوار اللي عندك