وش العلاج ؟
 

السلام عليكم ورحمة الله وبركاته,,,,,,
صبحكم الله بالخيرات والليرات والجميلة من البنات( هذي للي وده)
العلم سلامتكم عندي خلفة لاحظت إنه يطلع مع حليبها دم ؟! وش العلة ويش الحل ؟ علماً أن الناقة طيبة في أكلها وفي محالبها
افيدونا يأهل العرف الله لا يهينكم

أتوقع انه حفا يا فهد

مالك الا تدهن ديسها بالفازلين اذا كان حفيان

توكد أنه ما فيه جروح في فتحات محالب الديس . وبتلاحظ هالشي في ألناقه وأنت تحلبها ما ترتاح بالحلب تحرك وترفع رجلها .

بيض الله وجهك يا طلال انت وعبدالله وجزاكم الله خير

تأكد من الشمالة ان كان الناقه مرتاحه عليها والا لا ترا بعض الشمايل يقطعن ديوس الناقة

مشكور ياخوي زايد وابشرك الدهان حل المشكلة

يابو شديد من الأفضل تعطي الناقه بنسيلن ضروري لمثل هالحالات اللي يخالط الحليب دم لأن من أسباب عطب الديد إهمال هالاشياء عطها بنسيلين ثلاث ايام منعا للالتهابات

من اسباب خروح الدم مع الحليب ويعتبر رئيسي هالامر

انك تحلب الناقه فاليوم اكثر من ثلاث مرات وهذا اكبر خطاء

الناقه مرتين باليوم << هذا اذا انت تحلبها واجد ...


والله يبارك لك فيها مدد بلا عدد


تحياتي لك

رشها بالماء البارد وانشا الله تطيب