يالربع عندي ناقه ولدت اول اسبوع هاديه وبعد الاسبوع الاول تغير الناقه ماحد يحلبها واذا حلبتها ماتاقف واذا ربطتها احلبها بس اذا جيت يم واحد من المواخر تبرك لين تقطع الرباط وحطيت رباط قوي تبرك بس ماتقدر تثني رجليها تثني يديها علموني والله اني يوم اسوي السواه ذي يعورني قلبي لانها غاليه عندي وتكفون علموني بطريقه زينه تخليها هاديه

المشاركة الأصلية كتبت بواسطة عبداللطيف السعيدي (المشاركة 306109) هلا زياد .. شي طبيعي ان الناقه تصير هادية بعد الولاد .. لأنها ما تقدر تقاشر من تعب الولاد .. وأنا اتوقع انها بكر ..!! لكن عليك بالمهاداة معها .. وشوي شوي الين تركد .. واذا تأزمت الحاله حط لها قيد لين يطيح اللي في راسها وتركد حتى لو اضطريت انك تستخدم القوة .. وبالتوفيق ..

المشاركة الأصلية كتبت بواسطة بخيت البريدي (المشاركة 306155) حتى اذا بركت احلبها وهي باركه لانها بتحط في بالها انها اذا بركت بيكون منجا لها من الحليب اذا بركت دخل يدك على واحد من خلافها وقبصه لين توقف

المشاركة الأصلية كتبت بواسطة عبدالله بن فاضل السهلي (المشاركة 308276) عليك بالمهاداه وعليك بالخبز تراه ساحر للمطيه كل ماجيتها عطها بيدك خبز وقارد لها وامسح على ديدها اسبوع على هالطريقه وبتدعي لي ان شاء الله واحذر من اللي مايعرفون يحلبون اللي يجون يغفصون الناقه اول الفتره لحد يقربها الا انت ومن بعد شدد على العامل بالمقارد عشان مايخرب طبعها

المشاركة الأصلية كتبت بواسطة فلاح الرشيدي (المشاركة 308356) بارك الله بالجميع اتمنا فادوك الاخوان