الناقه وجعانه في ديوسها (ديودها)
 

السلام عليكم ورحمه الله وبركاته


عندي ناقه ديوسها منتفخه وقاسيه وتوجعها ولا نقدر نحلبها (وهي والد قبل اسبوع )




واذا لمست الديس ترجع ورا وتضربني بثفنتها









تـح.ـــيـــاتـــي

يا راشد

أقطع عنها البرسيم ..

ورش ديسها بالماء البارد الصباح والمسا

وخلها تمشى .. تطلق رجلينها

وما تشوف شر في حلالك ان شاء الله

افادوك الاخوان

الناقه فيها وريم ما هي مخثي

عطها بنسلين 20 سانتي في اللحم واربط رجليها بحبل واحلبها بالاضافه الى المرهم اللي ذكروا الاخوان وفكها تمشي

الله يعطيكم العافيه

انا ما اعطيها برسيم اعطيـــــها وافي +تبن (وانتم بكرامة)
والورم نزل من تحت ديسها جا حول السر .والحليب ما يطلع الا بصعوبة .

تــــ ح ــــيآتــــــــــــــــــــــــــــــي

عندي ناقة حصل معها مثل ماحصل مع ناقتك ولها شهر على الحال وكل يوم أنظف أديوسها بالماء البارد والملح يخف الورم بنفس اليوم ثم يرجع

عليك طال عمرك المهل

والمهل هو سمن القطران سخنه سخين دافي وأطله على الديس وان شا الله يروح الورم وان كانه خباش فعليك تطلق ناقتك وتغسل ديودها بالماء البارد وان كان بتحلبها وترمحك فعليك بالحبل وكتف عراقيبها

والله لا يوريك مكروه

فيه علاج فرنسي جداً ممتاز .. لمثل هذه الحالات
ولكن لا يحضرني أسمه حالياً

ولكن لو ذهب لأقرب بيطري أسأله عن علاج اسمه (( كوليتترال ))
العلاج هذا راح يخفف حليب الناقة لين تتعافى وبإذن الله خلال 4 ساعات راح تشوف نتائج جداً ممتازة
وراح يزيل الورم نهائياً ولكن أقطع عنها البرسيم وخلها تسرح ولا تكرمها لين تعدي الشهر

وسلامتك

أتمنى أنك تعرض حالت الناقه على دكتور بيطري شاطر , ما هو أي دكتور . والله يعافي ناقتك .

الاخوان ماقصروا في كل ماقالوا ولا عنجي ماقوله

الا انك تتاكد من الناقه هل اللي في ديدها نفاخ من الوقاف فهذا علاجه الممشى

او انه زياده حليب خاصه ان كان حوارها مايكمل حليبها لانه مازال صغير

وهذا يبغى لك تربط الناقه وتنظف ديدها من الحليب وتمنعهى من العلف الاالرودس لفتره بسيطه

مرهم اسمه ادرين ممتاز وجربته و100%
لاانواع الاتهابات الضرع
رح لااقرب بيطري وخذه منه وسعره 10 ريال فقط للمعلوميه