|
هل امتدت ثقافة السوني والالعاب الالكترونيه الى مجتمع الابل السلام عليكم ورحمة الله وبركاته لدي تسأل هل امتدت ثقافة السوني والالعاب الالكترونيه القائمة على العنف الى مجتمعات الابل واهلها؟ المشاهد للابل وتسمياتها هذه الايام يعرف اننا نعيش حالة من العدوانيه والعنف والمنعكسه على تسميات ابلنا واليكم من الاسماء الجديده الموجودة بالساحه : حشاره ، جلاده ، الكايد ، المسكت ، المدمر ، المتحدي ، القاهر ..... (وما خفي كان اعظم) بينما تجد في المقابل اسماء الابل في القديم كانت تؤخذ من الوان او طباع الابل ومثال ذلك : الرمانه ، الطياحه ، عكروشه ، الرهيف ، السخيف، البويضه هل هذه الاسماء للفت الانتباه ام شيء اخر؟ موضوع للنقاش الهادىء وللعلم الاسماء المورده لا نعني بها ملاكها باي حال من الاحوال وانما اوردت كأمثله للمتداول هذه الايام فنقاشنا لا يتعدى الاسم ذاته وهو متاح للجميع وليس حصري لاحد دون الاخر وتقبلوا تحياتي |
مرحبا بك ابو خالد يبدو ان ثقافة كراش انسحبت على الابل ايضا كما تفضلت واختلاف المسميات اختلفت بإختلاف المقاصد ففي السابق كما تعلم ويعلم الجميع ان الابل تعتبر وسيلة من وسائل النقل والتغذية لذا تجد الاسماء تطلق بناء على الشكل والطباع أما الوقت الحالي فتطور الامر وتغيرت الاهداف وتحولت الابل من وسائل الى مقتنيات لأهل الوجاهه والتحدي لذا تجد الاسماء تغيرت ايضا بما يتناسب مع الاجواء التنافسية هذا مجرد تفسير وليس تأييد فمن المفترض ان تبقى الاسماء المعبرة والمتعارف عليها والتي تعتبر اكثر دلالة على السلالة وعلى سبيل المثال لا الحصر ( جسران - غريبان - الخ ) والله يحفظكم ويرعاكم |
الله يستر لا نشوف بسمه وعبده |
فعلا يا أخوان بالسنيات القريبه هذي تغيرت أسماء الأبل , وليست كما كانت إسمائها سابقا , الأخ / عبدالرحمن , بيض الله وجهك على هالموضوع المهم جدا , وأشكر الأخوه المشاركين . |
يعطيك العافية اخوي عبدالرحمن عبدالعزيز موضوع جيد لكن انا اشوف الاسماء فيها تحدي شريف واخوي وفي النهاية الكل حر في حلالة مشكور اخوي عبدالرحمن عبدالله . |
اخوي عبدالرحمن انا اشوف ان مالها دخل بالسوني ووالالعاب وهي اسماء تحدي لان الناس طفشوا من الاسامي القديمه وحبو انهم يحدثونها وهي اسماء عاديه |
رائع جداً هذا الطرح أخوي عبدالرحمن وأخوي مسعود وهذا الكلام يتناقش به الكثيرون من ملاك الأبل المخضرمون حيث أنهم لايأيدون ذلك لأن فيه الخيلاء الزائدة والكبر والتي تعوذ منها ارسول صلى الله عليه وسلم كما أنني أرى أن مثل تلك الأسماء واااالله لاتليق بها بل هي دون حقها فالأبل تتعتبر عزوة لأهلها لاشك في ذلك ولكن ليس بالطريقة هذه وأختيار الأسماء التي أعتبر أن ليس لها معنى بالصورة الفعلية الصحيحة ناهيك عن الصفات التي تستخدم كالمدمره والقاهرة وجلادة وحشارة والمتحدية وغيرها التي لاتحضرني نعوذ بالله العظيم من الدمار والحشر والجلد والقهر والتحدي والمراء ونحن كملاك أبل يفضل بأن نختار لها أسماء تعبر أما عن الصفه أو اللون أو الطبع كالطويلة والشعثاء والبويضاء الرمانه العشوى والحلوة والهدية والهلاله والغافلة وغيرها من الأسماء الراقية على مستوى التسمية المناسبة واللائقة لها وكل ذلك ليس الأ لكي نعرفها عن غيرها من اللايفها والمعذرة على الاطاله وفق الله الجميع وشكراً لصاحب الطرح الهادف (يعلم الله أنني لاأقصد أحد بعينه من الملاك وانما وددت المشاركه ليس اكثر ) . |
اسعد الله واقاتكم بكل خير موضوع جميــل والله واشكر الاعضاء على نقاشهم الهادف اولا بجاوبك ليه الناس قامــت تسمي بها الاسماء الرنانه حقيقه مــثل ماتفضلت : جلاده حشاره مدمره فزاعه انا اضن ان 30 بالميه من شهره البكره من هالاسم ناهيك عن العرض بالتلفزيون وغيره وبـــعديـــن وبكــل صراحه الناس ملت من الاسماء القديمه تجي لذود واحدن تعرفه تلقى العشوا ثلاث نياق او ناقتين الطافحه تلقاها بعد ناقتين ولا ثلاث وحتى لو تسولف بها في مجلس مثلا عن ناقتن لك وتقول ناقتي العشوا او غيرها من الاسماء ما ظن تجذب المستمع وتكسب اعجابه لاكن تعال للاسماء الجديده تلقاه يحفظ الاسم ذا ووده يسير عليك يشوف هالناقه اللي مسميها بها الاسم الرنان <<< يعني كسبت اعجاب في ابلك او سمعه فا انا اخالف اخوي مانع على ماقاله وياخوي مانع حنا مادخلنا فالجانب الديني من هالاسماء وهالاسماء معانيها يعني فعلها فالمزاينات لا اكثر ......... فانا من المؤيدين لها الاسماء الجميله عندي ناقه وضحاء اسمها سحابه << سبب التسميه جو عند الابل وفد صومالي وكانت الناقه ذي حواره فقال الصومالي اللون ذا فالصومال نسميه سحاب فاطلقنا عليها اسم سحابه لا يومك ذا وهي ابشرك الحين ناقه ماشاء الله نناديها بهالاسم فانا من المؤيدين لها الاسماء الرنانه الجميله وتحياتي لكم واسف على الاطاله |
السلام عليكم ورحمة الله وبركاتة مشكور على الموضوع فعلا اسماء مال ابوها داعي بالنسبه لي لو سمعت احد يسمي بهالاسماء ذي طاح من عيني . بكره نسمع واحد مسمي قعوده سنشيرو هههههههههههههههههه امزح بس ممكن تصير |
لاهنت يابو خالد على الموضوع الجديد في طرحه وفعلاً اسماء فيها نوع من التحدي بين اصحاب الابل وهذا اشوف انه من حقهم حيث يسمي كل على حسب مايشوف ناقته وخاصه ان هذه الاسماء غير كرره وهذا اللي يدور عليه الملاك خاصه ان كانت الناقه من ابل المزاين ومادام انها في حدود العقل والمقبول فلا ارى فيها شي وتسلم مره اخرى |
طيب وشرايك في ريناد ورند ولميس وجوري وريماس والينا وكيان وهمس ولاريج ووجينا و00000000000000000000000 الخ هذي اسما بنات الجيل الحالي يعيش معها اسمها لين تموت واما البكره بامكانك تشريها وتغير اسمها الدعوى صارت تحديث في كل شي مافيه مشكله!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!1 |
ارى بان يبتعد باسماء البل عن مايشير الى التفاخر المذموم شرعا وانا احب طريقة البدو من الاباء والاجداد في التسميه حيث ان صاحب البل يسمي كل ناقه حسب ماتتميز به من المواصفات او الطبايع فمثلا الطويل للناقه المتميزه بالطول والقايده للناقه الراس اللي البل تتبعها في الممشى والنعامه للناقه الرقاقه اللي رقبتها زينه والطافح للناقه اللي لحيها طافحه وممشاها زين وهادي ومشعوفه للشرفا العجله وشامه وشامان للي فيها شامه والقعوده للي لاشفتها حسبت انها قعود من زين عمرها ..........وهكذا وسبحان الله اذا خالفت هالقواعد انسى الاسم بعد فتره لانه لا علاقه له بواقع الناقه الان تسمع الاسم ويوم تشوفها لن اقشر مافيها الشي اللي له علاقه بمعنى هالاسم اما اسماء التحدي والفخر فانا ضده مثل مغيضه(من الغيض)-مزعل(من الزعل)-مضيمه(من الضيم) ....وكأن كل من يراها هو من الحاسدين لمالكها بينما الاصل في المسلمين محبة الخير لهم ولاخوانهم شكرا على الموضوع وتقبلوا تحياتي |
لاهنت على طرح الموضوع |
رد: هل امتدت ثقافة السوني والالعاب الالكترونيه الى مجتمع الابل اللحين اسماء الاوادم تغيرت وخصوصا البنات وقفت على اسماء البل مثل ما تفضل الاخ مسعود ( اختلفت المسميات بأختلاف المقاصد ) فالمنافسه تحتاج لأسماء قوية وجذابة وتلفت الانتباه ومن وجهه نظري الشخصية ما فيها شي تشكر على هالموضوع وتقبل مروري |
رد: هل امتدت ثقافة السوني والالعاب الالكترونيه الى مجتمع الابل اقتباس:
|
| الساعة الآن 30 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |