|
وش اللي صار ووش الدبره بسم الله الرحمن الرحيم اسلم عليكم جميعا واشكر لكم تجاوبكم وتفاعلكم مع كل شخص يطلب الاستشارة والعون وهذا ان دل على شي فهو يدل على طيب ساسكم واخلاقكم وحبكم للخير لكل شخص انا يالربع صار عندي شي غريب وابي رايكم او تفسيركم للحاله لاني اول مرة تمر علي ومادري وش الحاصل بالضبط عندي ناقة لقحة من شهر 11 او 12 تقريبا واللي ببطنها ثالثها لكن اللي حصل اليوم الصباح اني لقيت ضرعها كابر ووارم تقول كنها منتجه ومشيت على شطورها كلها اتحسسها لقيتها ما بداخلها اي شي لكن ورمها غريب وما ادري وش اللي فيها بالضبط مع العلم ان الناقه ما تستنكر عليها شي نهائيا فهل هذا دليل انها بتطرح لقاحها او وشو بالضبط وودي اسمع ارائكم ووش الدبره بكل سرعه بعد تكرمكم واذنكم ..... ولكم جزيل الشكر |
مرحبا يابو وليد والناقة ماعليها خلاف انشاء الله وكان الناقة معشر من ثلاثة شهور وتحت فهي في مرحلة تفييخ وليس اصعاد يتحيين اللبن في الديد . |
صار عندي ومافيه الا العافيه ربما بسبب القراد او شمم من الهوام والله اعلم |
حياك الله ياخالد / والناقة ماعندها خلاف والورم اللي لاحظته في الديد عادي وهذي تسمى [دفعه] بفتح الدال ـ فيقال مثلا الناقة ذي مهيب لقحة ماظهر لها دفعه ـ اويقال الناقة ذيك دفعتها كبيره ـ والدفعة تكبر كل شهرين او ثلاثه بالتدريج مما يدل على تقدم مراحل اللقاح وبعض البل ماتلاقي الا ودفعتها بالكبر مثل ديد الخلفه0 |
الف الف شكر لكل من تفاعل معي واعطاني تفسيره او رايه والله يطمن قلوبكم بس يعني اكيد ان الامور سليمه ؟؟؟ والله لا يريكم مكروه في حلالكم ومالكم وعيالكم |
| الساعة الآن 42 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |