الفزعه يالربع
 

عندي ناقة تدمع عيونها بغزاره وش السبب وماهو علاجها جزاكم الله خير علماً بان اكلها على مايرام ولاعندكم احسن منه للافاده جزاكم الله الجنه

ياخوي إن كان به عج ودمعت فهذا من العج ومامن خلاف

وان كان مابه عج وان عينها تدمع يغزارة فعليك تفتش خشمها وان لقيت غضروف لين فهذا ظفار وإكسره بالخيزران

وان مالقيت ظفار فيمكنه هزوم وعليك بالصيدلية

أرجوا إني وفقت في إسعافك ياغناتي والاخوان أوبل مني وأعلم وان شا الله تحصل من يفيدك

والله ياللعماري إني من الحريصين على متابعة مواضيعك و ردودك دائماً

ماشاءالله عليك

اخوي عالي وكل من شارك اسئل العلي القدير ان يوسع رزقك ويرزقك من حيث لاتحتسب وان يجزاك الجنه وبكره رايح اشوف وش المشكله واضع الرد هنا حتى تعم الفائدة

مرحبا ياعبدالله وناقتك مافيها الا العافية دام اكلها زين وحالها طيب والدموع بهذا الوقت عادي بدا الحر والذباب كاثر وشكرآ.

الأخوان كفوو ووفوا , الله يبارك فيهم جميعا , لكن مايمنع أنك تسئل الدكتور البيطري .

تسلم يالغالي خالد الحجي وبارك الله فيك

وهذا من غلاك وطيبك وترا واحدن ظميان من علوم البل ومدلي دلوه في عدودكم القراح عساه يروى ويقطع ظماه

وأوكد سلامي لك يالغلا

جزاك الله خير ياخوي عبدالله على الدعوات والله يكتب لك الخير والعافية ولكل مسلم

باذن الله مافيها الى العافيه وانا اخوك