افضل طريقه لتطبيع البل على الرحول
 

قصدك الرحول كيف تطبعها والا البل كيف توالف الرحول

ابولف البل علي الرحول

اربطها عند المعالف كم يوم مع انه ما يحتاج ان كان انها رحول جاهزه يشد عليها الراعي و ومع البل من طلعت الشمس

تسري البل مع الرحول في الليل

ماتسري

الحل بسيط جدآ

اول شي خل الرحول مع الابل وسط الحوش تعلف معهن وتوالف عليهن ويوالفن عليها

ثاني شي اذا سرح الصبي وهو على الرحول يخلي معه خبز ويعطي الابل من الخبز وهو على الرحول

والافضل انه يكون معه لبيد يخبط على اللبيد والناقه اللي تقرب عند الرحول يعطيها خبز وهكذا حتى توالف

مع الرحول

وهناك عدة طرق واعتقد هذه اسهل طريقه

واذا كان عندك مقهور خل الراعي يقهرهن في المفلى عند الرحول لايتعدن الرحول مره

جرب هذه الطريقه وان شاء الله اني افدتك

تقبل تحياتي

مشكور اخوي راشد بس تعتقد ان هذي افضل شي للتطبيع

اخوي نهير بارك الله فيك

للمغاتير طريقتين للتطبيع

الاولى يسمونها ابل الرحول

والثانية ابل مقهور


ابل الرحول تطبع على الرحول فقط

وابل المقهور تطبع على المقهور والمقهور = الحيران + الجمل + الرحول او الرحول والحيران


والبل تطبيعها على الرحول اما بالاكل او بالتجفيل

والثنتين مع بعض افضل

وابل المقهور تمسك حيرانها على الرحول بالمفلى وعند العزية تصك عليها بالشبك ماتفكها مع امهاتها ابد

وابل المقهور تطبع على المقهور زين بعد سنتين او ثلاث وابل المقهور افضل طبع

وابل الرحول طبعها دون شوي بس اوفر لك ماتبي الا راعي واحد

وابل المقهور لازم راعي وملحاق يعني 2

واذا الابل جديده ولفها على الرحول هذه السنة واذا تبي مقهور لازم من ولاد السنة الجاية تبدأ

من اول حوار تمسكة على الرحول واذا جاء اخوه يمشي على دربة

اما الان الحيران كبرت ويبيلها هجار وتعب


طبع الابل على الرحول بالطريقة التية

يركب الراعي على الرحول ويصيح لها ويدق اللبيد ويطعمها خبز

ثم سكر ويسحبها مسافات ويعقبها من خلف حزم او جبل ويصيح ويدق اللبيد بالنهار

ثم يسري بها بالليل اولا بالليالي المقمره ويصيح لها ويطعمها

ثم بالليالي المظلمة

والافضل يمسي معها بالخلاء ويخلي معه ملحاق وقت التدريب يتربص للبل بالطريق

اذا سرت ويجفلها حتى ترجع على الراعي

والراعي عند الرحول يهوبل ويوده للبل ويطعمها

وخل علفها كل يوم بمكان عشان ماتدله الا عن طريق الرحول

حط العلف بمكان وعلم الراعي يسحب الابل له

وكل يوم غير المكان والتوقيت

البل العصية اذا ماتطبعت اسر عليها واربط بذيلها كيس شعير

وجفل البل كلها واذا قامت خل الراعي يصيح لها ويوده

الناقة عند الخوف يطبع بقلبها كل شي تسمعه او تشوفة


طبعا افضل للتطبيع تكون بعيد عن الناس والعزب

ولاحولك حلال ابد

وبالتوفيق ان شاء الله

مشكور اخوي
انا عندي الابل مطبعه على مقهور
والمقهور ماعليه
بس انا ابيه على الرحول

اخوي نهير الشمري كيف حالك


اول شي الرحول مبطيه مع البل ولا جديده ( يعني موالفه البل ولا لا ")


اما بتطبيع البل علي الرحول هذي بصيطه انشالله ,,,,,,

اول شي تشد علي الوحول وتحط بالخرج خبز وتمر صحلها و اتدوهلها واللي تجيك عطها بس لا تبشمها ( تقثها ) مده مابين شهر ونص , وبعدها اركب الرحول ومش حوالي خمسه او سته كيلو وانت تودهلها وتعطها خبز او تمر خلك علي الحال مدة عشر ايام ثمن مرحها خلا كم يوم وبعدها خل واحد يجفلها ولجفلت صحلها وركب الرحول ودوه
واعكسها وشف شلون تصك عليك البل

اسؤال مجرب

</B></I>

رد: افضل طريقه لتطبيع البل على الرحول
 

لاهنت يانواف على المعللومات انت والاخوان ماقصرتوا
وجزاكم الله خير جميع

رد: افضل طريقه لتطبيع البل على الرحول
 

عطونا بعد لاهنتوا نبغا بعد افكار للرحول كلامكم ممتع ونحن عطشا للمعلومات لا هنتوا
وبالنسبه لربط الحيران برسن مع الرحول او كيف اخليها تتبع الرحول ؟؟؟

رد: افضل طريقه لتطبيع البل على الرحول
 

بخصوص سؤالك عن تطبيع الحيران

من اول مايتم للحوار عشرة ايام طبعه واقهره وبيوالف ولا عاد ينسى الطبع

اما اذا كبر وماطبعته اجل التطبيع للموسم القادم لانه بيطلع روح الراعي

وبخصوص تطبيع الابل
1- راعي صاحي وبدوي + حرية مطلقه لراعي + صبر سنه = ابل طبعها يتذاكرونه البدوان