اليوم بنفتح موضوع جديد
 

موضوعنا اليوم يا أخوان من وجهة نظري اعتقد انه مفيد لكن نبا رايكم بالإيجابيات والسلبيات فيه بدوووووووون مجاملة للغير

1- ابدا بنفسي نفترض ان عندي بعير منتج من الدرجه الاولى
2- التنويخ عند البعير جاء وقته
3- وانا ابا احتسب الاجر عند الله ولا ابغا اسمعه
4- اهل الركاب اللي جايب 10 او 20 او1 او3 المهم
5- الزبده كم ابغا ارضي في اليوم الواحد
6- من وجهة نظري لو انا في مكان اصحاب الزمول الي عليها سرا رضيت 4 في اليوم بدل ما ارضي 1
7- كل يوم اطلب من 4 أشخاص كل واحد يحضر ناقة وحده
8- 4 * 30 يساوي 120 شخص بالشهر
9- 3 * 120 يساوي 360 شخص بالسنه علي الاقل
10- نبغى وجهة نظر الجميع وشكرا

الموضوع غير واضح يالغالي او غير مفهوم

سويلم وانا اخوك تحتسب وجهه نظر طيبه لكن انا اقول ان الافضل كل يوم رجال من 4 الفجر الى غروب الشمس والضرايب ماتكون واجد هذي وجهه نظري اذا فيها خطا العذر والسموحه

الي جايب عشر ما يستحي !!

والي جايب وحده واثنين ياخذ سرى مع الناس لين يخلص السرى والي يجي بعدهم نقوله سبقوك الرجاجيل وخلص السرى ....... بكل بساطه

بلاك من الي عنده شي طيب ويمنع الماعون ............... لا سرى ولا وحده ولا ثنتين

والله اعلم مني ومنكم

زيا د الحربي مشكور بطريقه الي تكلم عنها من 4 الفجر حتي الليل كم بترضي با الموسم 20 شخص ويمكن انه غشيم حتي الركا به ما طيب عنها لا كن الربعه با اليوم كل وا حد ما هو جا يب الا اغلا ابله ومطيبن عنها وبترضي لا يقل عن 300 با الموسم يعني انت كسبت ثلا ث ما يت شخص علي الا اقل لا خ نوا ف حنا نتكلم عن اطيبين وطريقة السرا لا عدمنا ك

من وجهة نظري الموضوع ليس له ثمرة .. مجرد نقاش في خيال فقط ..
ودمتم .

عزالله انك يسعيدي صدقت
واللي بيضرب لناس نقوله جزاك الله خير وبيض الله وجهك وتستاهل النعم
واللي ماهو مضرب لناس نقوله بعيرك وبكيفك ولاحد غاصبن الرجال على حلالهم
والضن الموضوع اخذ اكبر من حجمه وهو مايستاهل

صدقت يا لسعيدي ماله ثمره ومثل ما قالوا البدو يا عصيد يا مرقوق