|
ماهو مرض الحوار ؟؟ السلام عليكم ورحمه الله وبركاته .......... اخواني عندي حوار عمره تقريبا شهرين والحوار حاله تعبان حيث انك لو تشوفه تقوول عمره 15 يوم ( بالنسبه للحليب فهو متوفر في امه ولا عليه نقص رضاعه ) . الشيء الثاني يوجد خراجين في النحر واضحه وقاسيه .. والحوار له كم يوم اذا برك مايقووم بسيره ويرغي وفيه صوت في حلقه ( الله اعلم كأنه خشام ) للمعلوميه صاار لحوار عندي العام الماضي وعمره شهر ونص وذبحه ؟ |
ياخوي حوارك مريض وهذا مرض يسمى النزي وتراه خطير جدا على الحيران لاتهمل الحوار له علاج عند البيطري وله كويه ممتازة باذن الله جرب العلاج واذا مانفع اعلمك وش تسوي |
لاهنت يا وافي ولكن الكوي كيف طريقته ؟؟؟؟ |
وعليكم السلام ورحمة الله وبركاته ولا ازيد على الاخ بن مليح الااليسير أذ ان الحوار مايرضع وماغير منطرح ولايقدر يرفع راسه علاجه باذن الله كية بمطرق على غار الراس من الخلف واعلى بداية الذيل أيضا وتحليقه خلف خلاف أسفل الساعد فوق المفصل اليد والرجل ومايرى شر بأذن الله |
مازيد على كلام اخوي بندر ماقصر |
شاكر لكم ياخوان ولا خلا ولا عدم الله يجزاكم خير |
| الساعة الآن 32 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |