|
للبيع (3) خلفات مجاهيم حدرها قعودين مجاهيم وبكرة وضحى مزيونة السلام عليكم مساكم الله بالخير جميع نعرض لكم (3) خلفات مجاهيم وحدة صهبا بكر حدرها قعود مجهم والثانية مجهم ثنو حدرها قعود مجهم والثالثة مجهم أم ثالث حدرها بكرة وضحى مزيونة البل طيبة وحالها يسر، والطبع للي يبي ينشد عنه يحلبها الحلاب لاهيب هدية بالحيل ولا هي بقشرا تعسر من يحتلبها .. البدوي بتصلح له عليها سوم من عشرة ألاف ولا هو حق لها، لكن كل واحد له نظر وكلن يسوم بخراجه ورقم راعيها: 0555403629 أبو مشعل الصور إن شاء الله ننزلها اليوم ولا بكره فلا ترسلون الموضوع للأرشيف لين أجيكم بها وياليت الصامل يجيها يشوف على الطبيعة ونكسب شوفته |
http://www.alhadafa.com/uploadedfiles/images/4850.gif اخوي مشعل البل وين محلها والله يرزقك البيعه الطيبه |
محلها طال عمرك في الرياض حول مزرعة خزام والصور يالربع هذي هي: صور الحويرات http://store2.up-00.com/Mar10/Vgt59110.jpg صور البل http://store2.up-00.com/Mar10/XWR59110.jpg http://store2.up-00.com/Mar10/kHP59110.jpg وأنا عارف والله أن المصور ما صورهن مضبوط ولا عطى البل حقها والصور ظالمتها واجد، لكن المقصد أنكم تشوفون وتشرفونا في محلنا ونكسب شوفكم وتشوفون على الطبيعة |
السوم ب 5000 للوحده شرط سالمه العذاريب |
جزاك الله خير يالمزروعي سومة طيبة من وجه أطيب والسوم عليها من عشرة من السودانيين اللي في الجنادرية ومعهن حوارة إن الله كتب لراعيها إنها ليبيعها بقيمة طيبة ويالربع اللي مهوب زايد في السوم الحالي لا ينقص والسوم جديد وعلى شوف وحوف ويعلم الله أنهم جايين يوم الأثنين وشافوا وعطوني هالقيمة واتصلوا كم مرة يبوني أحد ولا حديتها، ثم قالوا حد علينا البكره وأمها وعلمتهم أن البيع جملة وقفلت وهم يتصلون للحين ولا عاد رديت عليهم. والله يوفق الجميع ويكتب اللي فيه الخير |
بيعك يالنشمي بعيد والا قريب ولا تبيع مفررررررررد للجازم |
ألا والله البيع قريب والله يبعد الطماعة وإن شاء الله أن حنا سمحين في البيع والمشترى والله يوفق الجميع |
مجهم أم ثالث حدرها بكرة وضحى مزيونة ياليت اخوي مقطع فيديو لاهنت |
الصور ماظهرت يالحبيب هل فيه امكانيتي تفريد بغيت ام البكره الوضحى ان كانها طيبه على كلامك حدها لي وتراني صامل والله يرزقك البيعه اللي في خاطرك |
الموقع اللي رفعنا الصور عليه في مشكلة، لكن ساعة ويبي يضبط إن شاء الله وبالنسبة للتفريد ما عندنا البيع جملة والله يوفقنا وياكم والبكرة للي يسأل عنها ... زينها وسط وراعي المغاتير تبي تصلح له وتعجبه إن شاء الله ولافيه شيء إلا بشوف وياليت الاتصال بالتلفون وأخذوا وصف المحل وشوفوا وسوموا على النظر أزين لي ولكم والله يوفق الجميع |
للرفع الله يرفع مقداركم |
موفقين خير |
السلام عليكم ورحمة الله وبركاته اخوي مشعل لا تاخذ على سوم السودانيه وبعض النا س هداهم الله اللي يعلقون السلعه ويا كثرهم . و اهم شي عنده يزيد رصيد المشا ركات فقط ولو تحد عليه بريال قال بجيك بكره وهذاك اخر العهد به لكن خل السلعه يمشي سومها حتى يجيها نصيبها والرزق عند الله. |
بارك الله في كل من مر وعلق وأخوي محمد جزاك الله خير السودانيين شرايين والله لو أتمم لهم أني ما أمسي إلا ودنتهم عندي، لكن أني عارف أنه مهوب حقها علشان كذا ما بعتها ولا المقصد ياخوك مهوب طماعة ولا ترغيب للربع في الحلال كلهم أهل نظر وأهل معرفة ودراية والخلفات الحين ما تنقص عن عشرة ألاف ريال، إلا في خلفة مريضة ولا ما بها حليب ولا من أقشر البل وفاطر لكن البل المعروضة شبب ولا بها العايبة وما علمناكم بسوم السودانيين إلا علشان نختصر عليكم الوقت وثلاث أرباع الأبل المعروضة هنا أو ما يفتح بابها على خمسة وعلى ستة سواءً كانت طيبة ولا ردية وهذا خطأ لكن ما نقول شيء السوق بيع ومشترى والله أن بعض الابل المعروضة في الموقع تسوى فوق الثلاثين والأربعين والأخوان هنا يسومون على خمسة وعلى ستة الله يوفقنا وياكم وهذا اللي عندي وكل له رأي ورأيكم على العين والرأس وبيض الله وجيهكم |
كم وصل سوم الخلفه الي معها البكره ووش سنها ووين موقعك |
| الساعة الآن 48 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |