|
انشهد ان المحبه انا والله ماني شاعر بس نوبن يلقطني هوجاس وكتب يويتات وهذي من بيوتي ورجو ان تعجبكم يقول.... انشهد ان المحبه مابها حيله= تلعب بقلبي ودمع العين همالي سبت وليفن ردت عني مراسيله=وانا بعد رد عنه اليوم مرسالي البارحه في لذيذ النوم اراعيله= تصورتلي بنومي وشغلت بالي جاني وجيته ويشكيلي وانا شكيله= ويقول والله ماني عنك انا سالي ياليت ليلن سرا غدالنا طيله= مابانت الشمس دايم ليل وضلالي |
خطوه موفقه يالرشيدي ومبينه الشاعريه ما شاء الله تبارك الله بس عندك في البيت الثاني في الشطر الاول ( قاصر شوي ) حاول انك تغنيها على لحن واحد وبتلقى الخلل والخطا في كلمة ( ردت ) لو تحط كلمة ( منع ) لأستقام الوزن والمعنى وكذلك كلمة ليل وضلالي في جمعهما ملاحظه او خطأ فالضلال لا يكون بالليل هذي وجهة نظري على بعض الملاحظات التي تضعف من النص قليلا وارجو السموحه فجميع ما ذكرت ينبهك ويصب في مصلحتك تقبلها من اخوك بصدر رحب وصح لسانك على كل حال |
نقدك على العين وراس ولاكن اذا غنيتها بهذا الحن ماراح تشوف كسر اما بموضوع الليل وضلالي فهذا المقصد انا اللي قومني بالحلم هو الشمس لو اني نايم في ضلال ماجتني الشمس وكملت الحلم Sound clip ٣٩٨.amr - 41 Kb |
يا مرحبا يا محيميد ولو ان رابط اللحن ما اشتغل اللا اني عارف لحنها و واضح وغنيتها عليه نعم غنيتها بالكامل و وجد ان كلمة ردت ثقيله بالحيل ولاهي على مستوى باقي القصيده وإنسيابيتها كأنها محشوره في مكان ماهو مكانها والكسر أنواع اخي العزيز هناك الوصل وهناك الزايد وهناك القاصر وهناك المحشور وهناك الكسر الواضح اهم شيء الاذن وتلقيها للقصيده فعلى سبيل المثال في أبيات لو شلت منها حرف الواو مثلا تقدر تغنيها على نفس اللحن والوزن ولا يكون هناك اي كسر أو قصر فالبيت ليس القصد ان أقول انك كسرت ما عاذ الله ولكن إذا توفرت كلمه اخرى تحفظ الوزن والقافيه والمعنى وتكون سهله على الاذن فهي أفضل بكل تأكيد ولك ما ترى فالقصيده قصيدتك وليست قصيدتي وأتمنى ان تسأل من تثق بهم من الشعراء القريبين منك وللعلم كلمة منع اللي انا اخترت انها تكون بديله ل ردت هي مُنِعَ اي ان هناك من منعه واجبره ولم يمنع بإختياره وليست مَنَع هو بإرادته وذلك للتوضيح تقبل ودي وإحترامي وبالتوفيق |
ابيض وجه يافيصل وحنا منكم نستفيد ولاهنت على النقد |
وجهك طال عمرك ما وصلنا لحد النقد ويعلم الله انها للفايده لا أكثر |
لاهنت على القصيده الطيبه والموضوع نقل على المكان اصحيح |
الله لايهينك اخوي محيميد على القصيده الطيبه ومشكور اخوي فيصل النقد الطيب |
الله لايهينك اخوي محيميد على القصيده الطيبه ومشكور اخوي فيصل النقد الطيب </B></I> |
| الساعة الآن 48 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |