** مبروكــــه ** لأهل المزاينات والعرض **
 

بسم الله الرحمن الرحيم
اعرض عليكم :
مبروكه
ساسها من ابل سالم بن نفل ال دمنان الابل الحائزه على المركز الاول في مزاين نجران عام 2006
وهي من ضمن الذود التي رقمت بالمركز الاول .
سنها / ام ثالث .
والناقه لها سنه حايل بعد آخر حوار والناقه بطنها ذهب أول انتاج لها بكره مسيومه بــ 700 ألف ريال .
والناقه شريناها قبل سنه وفكينا عليها الفحل في شهر 12 / 1430 هـ وعشرت وكسرت بعد شهرين من لقاحها .
وبعد ما كسرت ما اضربناها لعدم توفر فحل بين ابلنا . ولا تطببنا فيها خير شر .لكثرة ابلنا .
والناقه سالمه ومشروطه من اي عذروب او مرض وسليمه من الذيبه وديدها سليم .
والناقه يا طوال العمار سيمت اول ما شريناها بــ ثلاثين ألف ولا بعنا ولا حن مقلدين على سومها الاول
افتحو باب مبروكه عسى الله يبارك لمن جات في نصيبه .
الموقع / نجران .
ورجاء خاص لا يسوم الا رجال صامل والسوم على الفيديو والصور واللي يسوم بدون ما يحط رقم جواله سومته ملغيه .
لأي استفسار جوال رقم / 0507575565

وهذا مقطع فيديو لمبروكه هذه الايام
http://www.alhadafa.com/uploadedfiles/vedios/1373.mp4

وهذي طالت عماركم صوره



http://www.alhadafa.com/uploadedfiles/images/5291.jpg

بسم الله الرحمن الرحيم
نفتح باب مبروكة ب8000
ورقم الجوال لا نصبتنا بدق عليك طوالي

8500 ريال شرط سالمة العذاريب 0558130013

العرض لازال موجود اخوي علي؟

عشرة الاف

0507238823

ابوخالد

وبالتوفيق للجميع

مازال العرض مستمر .

مرحبا يا ابو خالد ومسهلا حياك الله
نصيبك الله يبارك لك فيها ويرزقك منها ويدخلها عليك بخير .
وارجو منك الاتصال على حمد 0504566334

الله يبارك فيك والسلعه اللي من صوبك مبروكه يابومحمد

وان شاء الله اتصل على حمد ...وسلمني عليه السلام الكثير