مطلوب مخيم بلقرب من الرياض
 

والي عندة يوريني الصور

يرجا نشر المواضيع في مكانها المناسب ياخي سالم الله يعطيك العافيه في سوق الباديه ه>ا خاص للمجاهيم فقط

مشكور على النصيحه الجميلة

فيه طال عمرك
عند مزرعة خزام، تطلع لها مع طريق المطار أو مع طريق الثمامة
قريب من الزفلت أقل من كيلو في سهلة ماتبي غيرها
بس الناس واجد أهل المخيمات ولاهم في غاغة في نفاه وكل واحد والثاني بعد الثلاثة كيلو وفيها، وأهل هالمخيمات طال عمرك أهل شتاء، إذا جاء الصيف ماشفت الزول
المكان ممتاز بشكل عام
وفيه طال عمرك شبك كبير للإبل
وأربع توانك ماء موزعة في المخيم مع دورتين مياه
فيه بيت شعر 9*5 جديد
فيه ثلاث خيام عمودين
فيه مطبخ
الإنارة متكاملة كبوس ونجفات
مع ماطورين كهرباء
مقسوم قسمين طال عمرك قسم فيه شبك الإبل وبيت الشعر ودورة مياه
وقسم فيه الباقي وكلها معقمين عليها وبين القسمين عقم
بس ماحولك شيء بالثمانية طال عمرك،

طيب كم سيمة وورني وسيلة اتصال واطور ممكن

كم سيمة وورني الصور ورقم الجوال ممكن

مرحبا باخوي سالم وأقول جاك يامهنا ماتمنا.......
عندي مخيم للعوائل قسمين بكامل المواصفات من خيام وبيوت شعر ودكات وملعب طائرة ومطابخ بأوانيها وخزانات ومطاره ودينمو سحب للماء ومكينة لستر ديزل 14كيلووات وكشافات وحمامات سراميك عربي وافرنجي ومسلخ للذبح وحوش صغير للغنم يعني جاهز إشتر واستنانس أنت وأهلك واستثمر وأجر أجاره باليوم ألف ريال ياربي لك الحمد وموقعه في رقه نظيفة جدا جدا ولا حولك ازعاج ولا ضوضاء ولا أحد يقول لك شل مخيمك والماءالحلو قر يب منك والموقع قريب من محطة خزام حوالي 18 كلم وقد سيم مني قبل شهرين بثلاثين ألف ريال ,,,, وعنه تقريبا بحوالي 500 متر شبك إبل كامل المواصفات مكمكل من كل شي خيمة عامل عمودين ودكة وعزبة طبخ ودورة مياه وحيظان للعلف وشبك للفحل ومطاره للماء وفيه إبل مجاهيم ومغاتير وكل هاللي تشوف طال عمرك للبيع المخيم وشبك الإبل والبل للبيع مالك إلا تجي وتشوف وتسوم إما قلنا الله يبارك لك ولا نقلد على سومك وماقدامك إلا العلم الغانم واللي يسرك ويوسع خاطرك
سجل جوالي عندك أبوفهد 0504465216

ياسالم وانا اخوك هذي ماتبي لها صور هذي تبي تدق سلف لموترك وتجي تشوف على الطبيعة وش اصور وش أخلي وجوالي عندك أي استفسار فضلا لا أمرا إتصل علي,,,,,,, وسلامتك

البل خمس من الوضح مع الفحل,,,,, والمجاهيم عددها خمس فيها فحلين اثنين والقحة وخلفة وعشرا

ابو فهد مساك الله بالخير . . حبيت أسئلك كم حادها ولا تذكر سومها

و أسف على الطمرة يا سالم

بالنسبة للوضح محدوده على 9000 يعني بــ 45000 كلها والمجاهيم فيها فحلين وثلاث نياق سيم فحل والقحة وخلفة على 15000 يعني الثلاث بــ 45000 عموما الموقع قريب للي يبي يعاين وانا بياع للبل والشبك والمخيم اللي يبيها كلها أو يبي منها شي يجي يشوف على الطبيعة احسن ,, والله يختار لنا وإياكم الخيرة المباركة وجوالي موجود ,,,,,,,,,,,,, وسلامتكم