مطلوب فحل
 

السلام عليكم

شلونكم طيبين ان شالله

مطلوب فحل من جذع لي سديس اصفر ولا اشعل وبسعر معقول وان كان انتج خير وبركه

مساء الخير ياحماد وعسى ماتواجه الا خير ,

ادخل على الرابط هذا فيه قعود خيار خيار واراهن علاه ماداج مثله ,
صورتين يومه مفرود وهالحين لقي ,

http://mzayan.com/vb/showthread.php?t=22405

مرحبا يالعطاوي ابي صوره الحين مالنا في القديم ان كان عندك صور جديده له ارسلها هنا ولا على التليفون والله لايهينك

مرحبا اخوي حماد القعود سنه لقي والصوره هذي مالها شهر ومصورينه على فاله مثل مايقولون لا زيناه ولاقصقصناه ,

وعزالله حطيت أباعر إن فحلته في اباعرك ,

وعلى فكره تراه ماهوب في مراحي القعود لجاري عقيلي وفازعله بس ,

لاهنت يالديحاني على الصوره بس وش سنه القعود جذع ولا لقي

مرحبا ياسلطان القعود ماتطلع صورته الا وهو مفرود ماطلعت لي صوره وهو لقي والله يقسم لنا ولك الخير ان شالله وللمسلمين

اخوي حماد القعود جذع ومضرب ومعشر عليه بكره

هلا اخوي طلال لاهنت على الافاده بس ياليت تعلمني ان كان عليه سوم قديم ولا جديد

مرحبا ياسلطان القعود عليه سوم وين مكانه

صباح الخير احمد والقعود سيم يوم سنه مفرود بخمسه وثلاثين ألف ,
واليوم ماهوب مثله يومنه مفرود ولا سيم ولاعرضه راعيه اصلا ومكان القعود شرق عفيف

اخوي حماد القعود عليه سوم قبل سبوع 22 الف

ياحماد عندى قعود يمكن الحين ثنى قعود اصفر طيب من ابل طيبه ومنتج عليه بكره صفراوضحا كلهن طيبات

كان لك خاطر ارسلى رقمك وابرسلك صورت القعود مع بناته

طلال لاهنت على الرد ماعندك صور له جديده ان حصلك صور هذى رقمي اللي يحب يرسل صور 0096597405454

السلام عليكم يامشرفين اتمنى رفع الموضوع لانه تم الشراء واسئلوو لنا البركه ولراعيه العوض والله لايهينكم اخواني اللي شاركوني باللي عندهم