|
تستفسار عن ابره .. تعطف الناقه السلام عليكم اخواني عندي ناقه حايل لها سنتين او اكثر وضيرت عليها حوار ... و لها فوق الاسبوع و الحمد لله الناقه رايمه الحوار .. بس المشكله يبي لها شهر او اكثر على شان تعطف .. والحين اخذت لها ابره تخليها تعطف . و تدر الحليب السؤال هل لها ضرر على الحوار او لا .... و هل تضر الناقه او الحليب بيكون عادي و طبيعي على الحوار |
مرحبا يا سعد انا توني لي فتره مضير لي حايل كنها ناقتك لها سنتين .. وأبشرك الحمدلله رامت ودرت اللبن عقب الله الاول ثم ابرة الدرير تلقاها عند الصيدليات .. وانا ماضربتها الابره الا عقب اسبوعين من ضيارها وجابت اللبن عقب اسبوعين ثانيه يعني خذت لها حول الشهر ولا زياده شوي لين جابت اللبن .. وبالنسبه لولدها طيب الحمدلله وبعافيه .. يعني ماتضر ان شاء الله .. |
يا سعد مع تقديري وأحترامي لرائي الأخ / علي , بخصوص أبرة الدرير , طبعا هي تباع بالصيدليات البيطريه . لكن بالنسبه لضررها على الناقه لا أعتقد انه ليس هناك ضرر أو مضاعفات مستقبليه , لأن عملية الأدرار ليست بالطبيعيه أنما بطريقه تعتبر صناعيه . ولكن لا يمنع أنك تسئل دكتور بيطري فاهم , ماهو بس يبي يمشي بضاعته وعلاجاته وبس , ولا يمنع بعد من أستشارة الأخوان اللي جربوا الأبره لخلفاتهم . لأن البعض وافقت على ناقته ولا تضررت على المدى البعيد . والبعض ربما يقولك ما وافقت والناقه تضررت , والله يدبرنا وياك على الخير . |
استخدمتها الى الان مع ثلاث من البل ولا ضرت ولله الحمد كل شيء طبيعي |
طيب الناقه اذا رامت الحوار وألبنت تلقح بعدها ؟ لأن عندي حايل ومتردد أظيرها ولا لا ؟ أرجو الافاده |
مرحبا يا علي الضيار ماله شغل في اللقاح لكن عشان ينزل شحمها شوي .. |
| الساعة الآن 30 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |