![]() |
ابشر بالبكره المجهم يا راعيها سبحان الله وبحمده , سبحان الله العظيم افطرت اليوم مع الرعيان عند البل وعينت عندهم بكرة مجهم الله العالم انها بين اللقية والجذعة لقحة باولها ووصيتهم عليها لا تغيب من عيونهم لين الله يجيب راعيها واسأل الله العظيم رب العرش الكريم ان يعقلها على صاحبها والبكره وسمها رقمتين وباكوره ورقمه على الفخذ من يمين وحنيه على الرقبه من يمين . اللي هي له ولا يعرف راعيها يكلمني على 0551077710 ولا تنسون يالنشاما تذكرونها لعل الله يعقلها على راعيها للعلم حنا في (جو سمين) غرب مدينة الجبيل اخيكم / تركي القرفي |
جزاك الله خير وابيض وجة وان شاء الله يجعل ماتعمل في موازين حسناتك |
لاهنت يالقرفي وبيض الله وجهك وكثر أمثالك يالطيّب تحياتي لك |
لاهنت يامحمدي والله يكثر من امثالك والله يعقلها على اهلها اخوك |
لاهنت ياغالي وبيض الله وجهك |
سبحان الله وبحمده , سبحان الله العظيم بارك الله فيك اخي هلال على دُعائك الطيّب ونسأل الله ان يجعل اعمالنا خالصة لوجهه الكريم . اخيكم / ابو براك |
سبحان الله وبحمده , سبحان الله العظيم لاهنت اخي شجاع وتأكد باننا لانعمل اكثر مما سيعمله غيرنا من الرجال اللي شرواكم انت واخواني في هذا البلاد خاصه وفي جزيرة العرب عامه. اخيكم / ابو براك |
مرحبا ياتركي وأبشرك بالاجر من عند الله انشاءالله والعلم الطيب من عند خلقه الله يكثر من أمثالك ويعقلها على راعيها أخوك ومحبك في الله،،،،،،،،، |
جزاك الله خير ياخوي تركي والله يكثر من جنسك والله يجعلها في موازين حسناتك والله يعقلها على راعيها |
الله لايهينك يابو براك والله يكثر من امثالك |
ابيض وجه ياتركي والله يجعله في موازين حسناتك ... |
لاهنت يالقرفي وبيض الله وجهك وكثر أمثالك |
سبحان الله وبحمده , سبحان الله العظيم الاخوة الاعزاء على القلب فهد بن صلبوخ عبدالعزيز التميمي محمد بن هادي سفر المري خالد السديري محمد الثنيان عبدالله بن ناصر ال بجاش وجيهكم بيض يالنشاما وحنا ما نسوي اكثر من اللي حثنا عليه ديننا الحنيف ثم عاداتنا اللي جعلها ما تنقطع . اشكركم كثيراً على المشاركه ولاهنتوا. اخيكم ومغليكم / ابو برّاك |
سبحان الله وبحمده , سبحان الله العظيم ابشركم ان راعي البكره جانا وخذا بكرته والحمد لله اللي عقلها عليه . اخيكم / ابو برّاك |
اقتباس:
جزاك الله خير أخوي أبو براك والحمد لله اللي عقلها على راعيها والله يجعلها في ميزان حسناتك اللهم آمين |
الساعة الآن 00 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |