|
سؤل لاهل الخبره وخصوصا الشيبان السلام عليكم عندي سؤال لشيبان او اي احد عنده خبره في امراض الابل عندي بعير يضرب وتشاول عليه الناقه شهر او شهر ونص ثم تفيخ بالله اي واحد عنده علاج او خبرة اوشايب يساله ويفيدنا الله يبارك للجميع |
اللي بالمنتدى كلهم شباب لاتقولهم شيبان ثم يزعلون ههههههههه يفيدوونك الذيابه مايقصرون |
فتش عن الناقه وذا الناقه تشول وتعبس وترغي بنفس الوقت الناقه معشش والبعير مافيه الا الخير مادام ان الناقه بعد الضراب تشول فالبعير سلم ومافيه الا العافيه والله اعلم |
أخوي عبدالله / الله يرحم شيبانك حنا أن شاء الله شباب هههههههههه اكنا مولدين عند البل هههههههه . ومثل ما ذكر لك أخوي نجم الحربي الله يبارك فيه كلامه صحيح الفحل طالما أن البل تعاشر عليه فهو سلم ولا عليه خلاف لكن الناقه اللي تفيخ فيها مثل مايسمونه البدو ( صيد ) يبي لك واحد فاهم يقطع عنها وينظفها من الغشش . وضربها قبل يروح عليك الوقت . والله يرزقك البكره الطيبه ولا القعود الغالي . |
السلام عليكم ورحمة الله وبركاته يا اخ عبدالله البعير ويش سنه وهل اضرب اكثر من واحده فأن كان أول هداده فلا بأس عليه ويقال ان بعضها لايلقح إلا ثني أو رباع وإن كانت ضرايبك واحده فليست بالتجربه |
| الساعة الآن 28 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |