قصّتـــــــــي مـع البكـره .. وطلب الفزعــه .. تكفـون
 

............... بســم اللـه الرحمــن الرحيـــــــــــــــــــــــم .........

أسـأل اللـه أن لايريكـم مكــروه في حلالكــم ...

أخـوانـي الكـرام بكـره مجهـــم سنّهـا الآن مفــروده شاريهـا تحت أمّهــا قبـل ستّــة أشهـــر .. وسيمــت بمبالـغ عاليــه لكننـي أصريــت على أني أقناهـا ولا أفرّط فيهـا من غلاهـا ..ومحبتهـا ..

المهـم ماحـدث معـي .. يشبـه الروايــه .. !! حيـث أن معاناتـي معهـا بـدت من فتره ليسـت بالقصيــره فقـد أصابهـا ضلـع في يدهـا اليسـرى .. ولاخلّيـت عـلاج مااستخدمتـه لهـا ليـن اللـه شافاهـا ..

وبعـدهـا باأسبـوع صابهـا (( العمــــــــــــــى)) في عيونهـا الثنتيــــــــــن ومن هنـا بدأت المعاناه .. ولاخلّيـت ولا بيطـري ماأخذت وصفتـه ولكـن لم يكتب اللـه لهـا الشفـاء ...


أخـوانـي البكـره الآن ماتشـوف جميـع عيونهـا لها أكثر من شهريــن وفي الفتره الأخيره عيونهـا تميـل الآن إلى اللـون (( الأزرقـ)) ولا أعلـم ماالسـبب ..؟؟

ومـن اعراض مرضهــا يطلـع أحيانـا سائل أبيض من خشمهـــــــــــا .. من فتره إلى فتـره ...

تكفـوووووووون ياأهـل الفزعــــــــــه والمـروّه لاتذخـرون عنّـي شــي وأسألــوا أن كنتو ماتعرفـون شيبانكـم الله يطوّل أعمارهـم ....

.....

والمعـــــــذره على الإطالــــــــــــــــــه

اخي مشعل الله يشفي البكرة
جرب الزنجبيل الأخضر بقطع جزء منه ومسح به العين مجرب في حالة الرمد وبياض العين وبالتوفيق

بسم الله الرحمن الرحيم والصلاة والسلام على رسوله الكريم صلى الله عليه وسلم

بالنسبة للأعراض اللي تقول يا اخ مشعل فيه مرض قريب من الاعراض اللي شرحتها , يقال له الظفاره ومن أعراضه تغير لون عين الناقة ودمعها وضعف البصر وان يكون داخل خشم البكره بروده بشكل غريب يعني بارد مره مره
وعلاجه بان تكسر الظفاره الموجوده داخل خشم البكره وهي على شكل حبه تكسر بالظغط عليها بشكل قوي بأصبع السبابة والله الموفق .

مع اخوي مشعل الغنامي

بلا البكرة ضفارة وان ماكسرتها بعد بياض العين تنفقع ويصيبها العمى

هذي ظفاره
وصد بها عن الناس وعيونهم

يوجد مرهم بشري اسمه maxitrol استخدمه واعط البكره ابر A D E
وحط لها زيت سمسم مع طعامها نصف فنجان يومي والله الشافي

بعد كلام الدكتور عيد ما ازيد .. بس انا بضيف لك نصيحه اخوي ... لا تنسى القرأن وادعيه العين .. تراه العين حق فخذروها .. ونفس الناس شينه ..


انا ناقه عندي قريب وجاري يقتلها علي .. بسبب بس انته كل كمن كلمه عليها .. ولا الناقه ما قامت تمشي بالمره .. وجتها الحمى خلال اربع ساعات بسسسسسسسسسسسسس

الله الشافي .. ما خليت لها شي .. وكل شوي يطلع عليها مصيبه ..في الاخير تميت اقرا عليها المعوذات واداويها .. ولله الحمد والمنه اسبوع بالكثير وقامت ..

لا تنسى المعوذات يا اخوي ..اقرا عليها وشربها اياه .. وانفث عليها بعد