|
نتائج أم رقيبه لهذا ماهي متوقعه !!!!!!!!!!!! السلام عليكم ورحمة الله وبركاته مبروك للي فاز والله يوفق اللي مافاز في السنوات القادمه والنتائج على ما أعتقد ماكانت متوقعه بهذا الترتيب أول تعليق على اللجنه ولا نشكك في نزاهتهم والله يوفقه في تقييمهم للمرات القادمه وتحياتييييييييي للجميع |
مبروك للفائزين و الي ما حلفهم الفوز السنة القادمة النتائج 90 % متوسطه |
هلا بك اخوي فايز نبارك جميعنا أعضاء ومشرفين واداره منتديات مزاين للي فازو ونقول لهم الف مبروك وحظ اوفر لمن لم يحالفه الفوز وجميعهم فايزين مافي احد خاسر ومن ناحيه التوقعات انا وأنت وهذا وذاك يمكن نشوف المنقيه من بعيد او امام الشاشه مانقدر نحكم على الأبل من بعيد فاللجنه اقرب للحكم عليها ومافي انسان معصوم من الخطاأ انا والله ماأحب اعلق كثير بس اتمنى كلامي وصل وشكرا لك عزيزي والف مبروووووووك للفائزين |
مبروك للفائزين و الي ما حلفهم الفوز السنة القادمة |
كلامك صحيح ياخوي فايز فيه مراكز ماتوقعتها |
لاهنت يا فايز على هالموضوع الطيب بالفعل فيه نتايج أتت مغايره عن التوقعات لكن وشفايدة الهرج هالحين يجب على الجميع الرضى بالنتيجه النهائيه والله يبيض وجيه أعضاء اللجنه عزالله إن مسؤليتهم كانت ثقيله إلى أبعد حد والضروف والتوافيق تلعب دور في الموضوع مثل حالة الطقس وخطر البل والعرض مبكرا او متأخر وتحليق البل وتزيينها وخطر اهل اللجنه والتعب اللي يواجهونه وأعداد البل الهائله اللي عرضت أمامهم والتعب من كثر الجلسه فالشمس ( ما عندهم مضله توقيهم عن الشمس ) وبعدين التقييم اللي هم قيموه غير عن تقييمنا حنا هم عرضت كل منقيه قدامهم لمدة ربع إلى ثلث ساعه ودخلت المنقيه فالشبك ودخلو عليها وعدوها وعددو النوادر ( الطيبات ) وعددو اللي ما تصلح ( القشر ) وفرزو وعادو نظر إلى الساعه 3 العصر تقريبا فعملهم كان جبار جدا ومجهودهم يشكرون عليه وهذا اللي طلع منهم أو قدر إستطاعتهم والذمه يحاسبهم ربي عليها حنا ما نتكلم فالذمم ونحسبهم عند الله من المخلصين ونحسن النيه في إخوانا اللي ما قصرو ونتمنى انهم يكونون أخذو الأجر المناسب على قدر تعبهم وهم يستاهلون إن شاء الله وأشكركم كل الشكر وسامحوني على الإطاله والتفصيل في الشرح لكن لتعم الفايده من خلال تسليط الضوء على صغائر الأمور وبارك الله فيكم واشكركم |
ولكن يبقى العمل عمل بشر معرض للخطا والصواب |
اقول عزالله ان كلامك مضبوط يا فيصل عجير العتيبي وكلامك عين الصواب |
اقتباس:
وانا قول ما عليك زود وبيض الله وجهك يابو ناصر بلا شك إن كل ابن ادم خطاء والبشر كله ماهو معصوم عن الخطا وبالنهايه هي مجرد توافيق وحظوظ الرياجيل تلعب دور |
مبروك لمن فاز وحظ اوفر لمن لم يحالفه الحظ وبالفعل هناك علامات استفهام كبيره ولكن اللجنه بشر تخطي وتصيب والخوافي ما يعلمها الا الله |
السلام عليكم جميعا" البشر في حقيقة الآمر يخطيء مافيه شك في ذلك ولكن ليه نحط هالعباره عذر لجميع الآخطاء لماذا لجان التحكيم أو القائمين على المزاين تحط الترتيب بناء" على نقاط أي كل صاحب رعيه يدخل ناقه في الشبك مثل الفردي ويرتبون الآبل ألي من كل رعيه ويجمعون النقاط بالنهايه ولكن يجي فيها تأخير وتعب ولكن كل مشارك يرضى لآنه هو قيم أبله قبل اللجنه وشاف دبش المنافسين له وحده وحده وتحياتي للجميع |
بسم الله الرحمن الرحيم لاهنت يا فايز على هالموضوع الطيب وبالنسبه لتقييم اللجان في جميع المزاينات سواء في هذه السنه أو السنوات الفائته فاعتقد والله أعلم أن فيها من الظلم الشئ الكثير.. عموماً لو أخذ رآيي من أهل الشآن في أعضاء اللجان مستقبلاً,لآستغنيت عنهم جميعاً بدون قصور في حقهم جميعاً,ولجعلت اللجنه المحكمه هي الجمهور الذي يحظر العروض في جميع المزاينات فقط,بحيث توضع صناديق مغلقه لجميع الفئات سواء كانت فرديه أو جمل ولايصوت فيها المشارك إلا لمره واحده في كل لون على أن لايصوت إلا بعد أداء القسم ووضع إسمه الرباعي ورقم بطاقته الشخصيه أمام المسؤلين عن وضع الصناديق ومن يقومون بفرزها بعد انتهاء العروض.. وبهذا الآمر سوف يختار الجمهور مايراه مناسباً للفوز ولن يكون فيه ظلم لإحد إلا أن تعمد أحد المصوتين لبيع ذمته دون مقابل ولا أعتقد أنه سيقدم أحد على فعل ذلك خشية العقوبه من الله تعالى.. هذا رآيي والله يحفظ الجميع ويبعدنا عن جميع الهفوات.. |
الف مبروووووووووك الناموس و تهاااااانينااا للفايزين |
بالنسبه لجنة ام رقيبه لسنة 1431 ه كفووووو وعلى راسهم صاحب السمو الامير خالد بن سلمان وبيض الله وجيهم على ترتيبهم في تنظيم الا ذواد وعطو كل ذود رقمه الي يستحقونه |
اللجنة كفو وماقصرت ولاكن غايه الناس لاتدرك ومايرضيهم شي الجمهور ولا اصحاب الابل المشاركه والي مارضى على اللجنه لايشارك . وانا واكثر الناس راضين جدا على اللجنه واحمدو ربهكم على كل شي وكل واحد عنده نظر والناس لهم نظر ويبقى اللجنه هي الاساس وانا في اعتقادي انهم ماقصرو واعطو كل واحد حقه .. |
| الساعة الآن 23 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |