دبرونا بحل ياللحوات الغانمه
 

السلام عليكم ورحمه الله وبركاته
عندي ياجماعه ناقه حايل مابعد عشرت الى مره وحده العام وضربها بعير وهي معشر وفيخت بعد حول شهرين من عشار
مع العلم انها يوم كانت معشر ماتشاول للبعير ولا تلقيه بال
وبعدها عيت تعشر ووديناها للجامعه وفحصوها قالو كل شي سليم وضربناها العام ماعشرت
وهاالسنه عيت تعشر وجبنا لها دكتور ونضف رحمها وعطيناها ابره جسره وضربها البعير وعيت تعشر مع العلم انهامجسر
ابغاكم تشوفولي طريقه معها والله اني متحسف على بيعتها

الدكتور اللي نظف رحمها شاف لسانها وقطع العرق الأسود اللي تحت لسانها ولا لا

لا ياخوي عبدالله ماشاف لسانها

يالتميمي الناقه يمكن فيها صيد قطعتم الصيد عنها ولالا

هذا والله العالم انه الصيد

رجاء يا بعدي تجيبني ومالك إلا أردلك

ناقتك وانا ما شفتها سمين ورادمه شحم
وناقتك اصلا ما عشرت من الاساس والدليل ما تلقي الفحل بال
والناقه لو اهي معشر وضربها البعير ما يضرها ولا تكسر ولا تفيخ
اقتراحي لا تعلفها والممشى زين لها و تفحمها بالسياره قبل الظراب او بعده لمده نص ساعه
وسلامتك ومن يقرأ