قصيدة خلت راعي البل يهون من البيع
 

هذه القصيدة قلتها عندما بلغني أن أحد خوياي نوى بيع البل وأرسلتله القصيدة وحين قراها هون من البيع وقد كتبت القصيدة لأنه ساءني الخبر ولن أذكر لكوم اسم الرجال لأنكم ستجدون النسب كامل من خلال القصيدة
[poet font="Simplified Arabic,7,black,normal,normal" bkcolor="transparent" bkimage="backgrounds/17.gif" border="outset,8,gray" type=2 line=200% align=center use=ex length=0 char="" num="0,black" filter=""]
سلام تسليمة صحيب(ن)مصافيك=ما رامها غشّ(ن) ولا هي تعدّاك
تسليمة اللي دايم الخير يطريك=والله يعوقه كان بالشر يطراك
يمناحي اليوم ماني بخافيك=النصح زين(ن)لو في الخير ممشاك
جتني علوم(ن)ماهي الا تواليك=والعلم من راسة ليا الساس يعناك
جتني كما رمية فروخ البلاجيك=والشر جعله ما يجيني ولا جاك
لو كان غيري بالمخاليق يغليك=جالك بعلمي وافهمك جملة اخطاك
حاشاك رب نذر ماني مخطّيك=العيب دريه غير دربك وحاشاك
سلامتك والعلم والم وبيجيك=والله يديمك واطلب الرب ياقاك
الذود والله يشتكيلي وينخيك=من زود مابه قام يرزم ليا جاك
ياللي تبيعه وهو دوم يعطيك=ماهو بحق البيع لو شح معطاك
لَتقول مجنون(ن)تراني براويك=أعرف سبايب بيعته ماني أزراك
ان قلت ضرمة فانت مكثر مشاريك=وان قلت جهد(ن)فانت تبخص هقاواك
وان قلت مصروف(ن)وزادت شكاويك=تستاهل اللي تلتقي مد يمناك
ست(ن) وسيعين راس(ن)بتغنيك=في يوم بيع(ن)شمتته ماتعدّاك
جدك زريب العود والله يناديك=يستفزعك في وسط سِهْرك وممساك
ويقول تكفى لا تفكر ويطريك=بيع المراجل والله ان تفرح أعداك
وابوك جدي اللي كثير اعتزى فيك=من هولة الموقف من القبر ناداك
ويقول تكفى يامناحي وانابيك= احفظ عوايد جدك زريب واباك
كم جيتها جايع وجتك بملا فيك=وكم جيتها ضايق وهي سبّة رضاك
وكم صاحب لك جاك أو من دوانيك=يوم اغتبق يطلب من الله يجزاك
واذكر عصير(ن)يوم بيتك يدفيك=يوم العقارب بردها طايل اعظاك
والذود ضاوي من معشاه يلفيك=شبيت ضوك طامع(ن) فيه يدفاك
من عقب بيع الذود تخسر مشاريك=لو بعتها باللول ولا الذهب جاك
يابو بدر جالك نذيري حذاريك=من غبنة البيع بالشيب تدهاك
احفظ حلالك عن الناس يغنيك=الدهر خوان(ن)ويامكثر اعداك
وان كان هملت النصايح وانا اغليك=ترّها بلاش وجعلها دوم تفداك
واختامها ماكان مقسوم بيجيك=واما كتبلك لو تقطع فلا جاك
[/poet]
واعذرونا علقصور
محمد بن جاري

والذود ضاوي مـن معشـاه يلفيـك
شبيت ضوك طامع(ن) فيـه يدفـاك

صح الله اللسانك

صح لسااانك يا ابن جاري

ونصيحة طيبة وثمينة

ومقدي مناحي يومه سمع النصيحة

لاهنت يا محمد

ولك تحياااتي

أخوك

الأخ عبد الله العتيبي
صح بدنك ولاهنت على المرور
مرورك يشرفني
تقبل تحيات اخوك
محمد بن جاري

الأخ فزاع البدراني
صح بدنك
ووجهك أبيض
لاهنت على المرور
وتقبل تحيات أخوك محمد بن جاري

الأخ خالد السبيعي
صح الله بدنك
ولاتهون ياخالد
مرورك يشرفني
تقبل تحيات
أخوك محمد بن جاري

صح لسانك ياأبو جاري
وعز إنك ما قصرت وبيض الله وجه راعيها اللي هون عن بيعها

الأخ علي القريني
لا هنت على المرور
مرورك يشرفني
تقبل تحيات أخوك
محمد بن جاري

صح لسانك ويعطيك العافيه

محمد بن جاري

صح لسااانك
وبيض الله وجهك يا القرم

الأخ عبيد القثامي
هلا وغلا
وصح بدنك ولا هنت على المرور والتعليق
تقبل تحيات أخوك
محمد بن جاري

الأخ فراج آل عون
أررررررررررحب
والله يحييك معنا في منتديات مزاين
تفيد وتستفيد ان شاء الله
وصح لسانك
وما عليك زود
ولاهنت على المرور
تقبل تحيات أخوك
محمد بن جاري

كفو وصح السانك

أررررررررررررررررحب يا فيصل
وماعليك زود
وصح ابدنك
ولا هنت على المرور
مرورك يشرفني
تقبل تحيات أخوك
محمد بن جاري