|
ماريكم السنة هذي في ام ارقيبة مرحبا ياخوان انا اشوف السنة هاذي ام ارقيبة مالها طعم انتم معي او ضدي |
من يوم قلو اهل البل المقيمه والتلاد الي عليهم الكلام وهي ما لها طعم |
بصراحه المزاينات في السنوات الماضيه افضل لوجود اسماء معروفه ولها وزناها ومكانتها والتنافس له طعم واسماء كانت تعتمد على الانتاج والتعديل وكانو يتعبون في البل ويتحملون كل شي ولا كن في هذه السنه لم نعتد على الاسماء الجديده المشاركة في هذه السنه مشاركين يعتمدون على الشراء فقط بمبالغ باهضه يعني مشاركة بفلوس فقط لا تعب ولا عنا وهذا بصراحه يخلي مالها طعم السنه ذي بالنسبه لي أنا هذا من وجهة نظري |
انا معك لابتعاد الهوامير الكبار اصحاب نوادر الابل الحين الاول كلن يعرفه من يوم يعرض قدام اللجنه اما اول نترقب النتائج الين تطلع |
السلام عليكم ورحمة الله وبركاته ،، أسعد لله أوقاتكم بالخيروالمسرات ،، والله يا جماعة الخير حسب ما سمعنا بالنسبة للتنظيم وضبط وترتيب اللجان بدقة وتحري العدل فالكل يشيد به ويثني عليه في ظل وجود الأميرالعارفه والكفو / سلمان بن محمد أما كبار الملاك والمشاهير والأسماء الرنانه فلكل زمان دولة ورجال والدوام محال وهذا لا يعني ذهابهم أو إنقطاعهم كلهم بل فيه أسماء وملاك موجودين ومشهورين ووزن ثقيل مازالوا يشاركون وبقوة وعدم مشاركة البعض لا يعني الحكم بفشل مزاين بحجم أم رقيبة !!!! ثم الملاك الكبار المنقطعين ربما صار عندهم حالة تشبع من المشاركات والفوز فأصبحت لا تمثل المشاركه لهم شئ بقدر ما تكلفهم وتشغلهم وتقطعهم من أعمالهم والبعض قد يرى محافظته على مراكز متقدمه أحرزها تكتيك خشية أن يخسر السمعه ففضل ما حصل عليه وترك المجال لغيره .. وأم رقيبة من نجاح إلى نجاح وتمييز ورقي والله يديمها ويبقيها لأهل الإبل الله يعز شانها وأهلها ومن سعى في عزها ورفعتها وجهة نظر حبيت أشارك اخواني بها أتمنى أن تحوز على رضاكم |
انا معاك فيما قلته الا السنه هذي احس ام رقيبة مالها اي اهتمام قد يكون التغطية الاعلامية اقل من الاعوام السابقة و لها دور في هذا واهل الابل المعروفين ماشاركوا |
السنه هذي التنظيم ممتاز بس المشكله الشبك الي خلف اللجنه مبعدينه واجد يعني الجمهور مايقدر يتفرج الى بدربيل والشبك حق الفردي اتوقع بالدربيل بعد ماتشوف زين يعني الجمهور ماله حظ من المزاين وانا معك السنه هذي ماله طعم ومن الاسباب توقيته جاي في وقت العالم كلها مداومه وفيه ملاك ابل كبار ماشاركو |
من ناحية التنظيم افضل بكثييييييييييييييييير السنة هذا الله يعين الحكام والله يالمحكم انه يتنافض لأن الدعوه ماعاد هيب مثل اول الدعوه يعزلون النوادر والالزينه والمتوسطه . اما منول تعرض عليك وحضك نصيبك . اما من ناحية هل الابل لا والله الدعوه فلوس منول ماتشوف الناقة فيها اكثر من وسم الحين ملطخة باكثر من وسم بسبب دخول التجارة الفاحشة وعزوف بعض الملاك الكبار عن المشاركة والإكتفاء بالانتاج . |
انا مع اخوي تركي بن عبدالله في كلامه ....... تحيتي لك |
اشوف اكثر الاعضاء متفق معي |
السلام عليكم ورحمة الله وبركاته |
السلام عليكم ورحمة الله وبركاته تحيه طيبه لجميع اعضاء المنتدى وبعد ..... لقد تفائل الجميع بلجلنة ام رقيبه لهذا العام ولقد رأيت الذيدان ومشيت معها وتفاجأت بلجنة الوضح خصوصآ عندما رأيت مركز ابل حثلان السبيعي وصنهات ابن مجيهير فمن الضلم الجائر على هاذي اللجنه وايضآ يعاب عليهم دخول وكلا اصحاب الابل المشاركه فى اللجنه ============================= ================================== نتمنى من سمو الامير خالد ابن سلمان فى الاعوام القادمه عدم مشاركة وكلا الابل وشريطيه فاللجان شاكرن لكم على قرأت موضوعي هاذا |
من ناحية التنظيم افضل بكثييييييييييييييييير السنة هذا الله يعين الحكام والله يالمحكم انه يتنافض لأن الدعوه ماعاد هيب مثل اول الدعوه يعزلون النوادر والالزينه والمتوسطه . اما منول تعرض عليك وحضك نصيبك . صدقت اخوي امناحي من جهت التنظيم ها السنه غير مهتمين اما من جهت الشراء ياخوان البدوي معنده الا الابل وهي تجارته خل الناس تترزق من التجار كم بدوي استغنى عن طريق البل |
التنظيم ذالسنه ممتاز وانا اوافقك الرأي ام رقيبه ذالسنه مالها طعم واعتقد السبب موعدها وبالنسبه للاخوان اللي يقولون التجار خربو على المزاين اقولهم الحل الكل يعرفه هو فصل الابل الاتلاد عن الشرايا والله لا يهينك ياخوي عبدالله على الموضوع وتقبل مروري |
السنه ذي تنظيمها منتاز ان مازاد ولا مانقص لاكن ما هااك الحماس والحركه هالي اول والسبب تاخر موعدهاا |
| الساعة الآن 28 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |