|
ياليت تدخلون الموضوع الله يجزاكم خير السلام عليكم ورحمة الله وبركاته يالربع عندي ناقتين ماتت حيرانها ومالهن شهر من ولادها وخلفه مالها شهر من ولدت متى اضربهن ؟؟؟ واحط لها رشاد ولا لا ووش كثر احط لها وادق ابرة يسره ولا لا وهل لأبرة اليسره أي أضرار لأني سمعت أن الناقه ماعاد تيسر الا بالأبره وأذا فيه أي ملاحظات ياليت تفيدوني فيها |
الاخ : السهلي انا عندي خلفة ضربها الفحل وماكملت الا اسبوعين وعشرت والحمدلله لا تعطي الخلفة أبرة أيسره لان الخلفة ميسر ومن ناحبة انك تبي اضرب ضربها ولاتشاور ومن ناحبة الرشاد تعطي لناقة الي يطلع منها صديد واوساخ والخلفة نظيفة |
الله يخلف عليك والله يعوضك باطيب منها أخوي الي أعرفه ان الناقه ماتضرب الى بعد اربعين يوم بعد الولاده |
ياعبدالله خلي الشأن على طبيعته أكرم الناقتين ونوع لها بالعلف وهي بتيسر من حالها أفضل ولاتستخدم لا ابر ولا شيء؟ |
بيض الله وجيهكم جميعا طلال بن عقاب ظافر آل شداد خالد الحجي |
هلابك ياعبد الله ومثل ماقالو الاخوان لاتعجل ولانصحك في ابرة اليسره خلهاا على طبيعتهااا ,, نوع في الظرمه و بتيسر وتزين حوالهااا انشاء الله وسلامتك |
بيض الله وجهك يا زيد وكثر الله من امثالك |
بالخير يبو فاضل والله يخلف عليك واسمع وش صار معي عندي ناقة ولدت حوارها وهو بكرها وبعد ثلاث أيام مات القعود وعطيتها رشاد قدر بياله وحلبه قدر بياله مع طحين بر ويعجن سوى لمدة اسبوع وبعد عشرين يوم ضربها الفحل لمدة دقيقة وابشرك عشرت ولقحت وانتبه من ابرة اليسره وخلك على الطبيعي وترى اللي فيك حرصه فقط لاغير ،،،، لاتحرص وتوكل على الله وبتلقح كلها واذكرك / اخوك ابوحمد |
حياك الله يبو حمد والله يخلف عليك ان شاء الله وبيض الله وجهك عالرد الوافي |
الله يخلف عليك خلهاا على طبيعتها والبره تضره في المستقبل والناقه تضرب لو بعد شهر عادي جدااا وبنسبه للعلاف عطه علافه الي متعوده عليه تحياتي |
اقتباس:
والله يخلف على المسلمين أجمعين وبيض الله وجهك على الرد |
| الساعة الآن 47 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |