|
مدري وش اسم الموضوع ":) السلام عليكم ورحمة الله وبركاته مرتن شادين من شمال النعيريه نبي الصمان على ايام الربيع ومعي اخوي الصغير والجو ممتع لدرجه ما اتصورونها :) شديد والجو ممطر رشاش يحبه قلبك والشمس ماشفناها ونفوس البل طيبه بالشديد الطيب ومعي اخوي يقول ياليت عيال عمي اللي فرماح معنا على هالجو الزين :) سويتلي بويتات على اسم اخوي وقلت ارسلها الى عيال عمك :) ولكم هذه الابيات عسى ان تنال على اعجابكم سلام من صالح الى ديرة رماح \\ سلام(ن) احلى من زهور الطبيعه يخص ناس(ن) برقهم بالسما لاح \\ مداريه ياجعلكم في وسيعه تراني طيب ياجماعه ومرتاح \\ والنفس مرتاحه بشوف الطليعه لنا ثلاث ايام والذود مرواح \\ والجو ممطر نطلب الله ربيعه امشي مع المقهور والهرش طياح \\ وامشي مع ذود(ن) خطاها سريعه شعل(ن) ليامن صاح لشعل صياح \\ تدبك دبوك الجيش وقت الذريعه ناصين دار مطير ذربين وصحاح \\ جنوب قريه من شمال الرفيعه والخاتمه نطلبك يارب الارواح \\ تستر علينا من وقوع الفجيعه وسلامتكم وسامحونا على القصور :) |
صح لسانك ياصلال والله يعافيك ونعم في المداريه |
صح لسانك ملايين شعل(ن) ليامن صاح لشعل صياح \\ تدبك دبوك الجيش وقت الذريعه الشعل من طبعها لصوت مذعوره هالله هالله |
صح بدنك يا ناهس وماعليك زود تشرفة بمرورك الجميل |
صح بدنك يافلاح مذعوره ياسلام :) لاهنت على المرور الطيب |
امشي مع المقهور والهرش طياح \\ وامشي مع ذود(ن) خطاها سريعه شعل(ن) ليامن صاح لشعل صياح \\ تدبك دبوك الجيش وقت الذريعه صح لسانك والله يجمعكم على طاعته |
لاهنت وبيض الله وجهك في الابيات الممتعه الي انا دشيد جو ثاني ولاهنت |
صح بدنك ياجاسم واللهم امين لاهنت وبيض الله وجهك على الدعوه الطيبه |
ولاانت ياراشد الاهم انها اعجبتك :) شكرا على مرورك العطر |
وانت سالم وغانم ياصلااااااااال صح لسانك .. |
صح اللسانك والله يرزقنا بربيع |
صح بدنك يالروقي ولاهنت على المرور الجميع |
صح بدنك واللهم آمين |
| الساعة الآن 06 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |