ياسابقي حبك مقيم علـى سـاس - عضيب بن حشر
 

[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا سابقي حبك مقيمٍ علـى سـاس=مولعٍ فـي حبـك القلـب توليـع
حلفت لو ساموك بفلوس عبـاس=أني شفيعٍ فيك لا أصخي ولا أبيع
ولا دخل قلبي من البيع هوجـاس=وأن زودولي بالثمن قلت ما أطيع
ياما حلا شلـت الذيـل والـراس=مثل المهاة اللي تهـاب المتابيـع
ريميةٍ شمّت من الريـح نسنـاس=حلّت مع زول البنادق مع الريـع
وإلا كما شهيانةٍ تبغى الأفـراس=جولٍ هوى تبغيـه قـدم التواقيـع
باغيٍ إلا جانا من القفر عسّاس=وسميةٍ فيهـا الزبيـدي مصاليـع
وأنا عليها قدم الأسـلاف نطـاس=لاجات حزّات الفزع والزعازيـع
لا صوّت الصيّاح باديٍ بالأرواس=يفرح بي الذود المطرّف ليا زيع
وليا لحقناهم والأريـاق يبّـاس=مركاضنا ماهوب هوزٍ وتمانيـع
وأن لايعونا من وراها بمـرواس=عاداتنا نرخي حبـال المصاريـع
عاداتنا نروي شبـا كـل عبـاس=ودهم العروق اللي تبوج المداريـع
عقبه تقابلنا علـى ضـو قبـاس=قاموا يعـدون الفناجيـل تجازيـع
فنجال بنٍ جنته تقعد الـراس=والزعفران مقطـعٍ فيـه تقطيـع
أنا يعدالي ولـو فيـه جـلاس=هراجة المجلـس قعـود مهانيـع
اللي لهم همـزٍ ولمـزٍ ووسـواس=في ساقة الأجواد همـز وتراتيـع
[/poet]

عزته فعزها

رحمة الله عليه قال قولٍ طيب

مشكور يا خالد

الاخ مبارك

العفو يا غالي

أكرمتنا بشرف الحضور

وتقبل أطيب تحية

أخوك

ياما حلا شلت الذيـل والـراس...مثل المهاة اللي تهاب المتابيـع
ريميةٍ شمّت من الريح نسنـاس...حلّت مع زول البنادق مع الريـع
وإلا كما شهيانةٍ تبغى الأفـراس..جولٍ هوى تبغيه قـدم التواقيـع
باغيٍ إلا جانا من القفر عسّاس...وسميةٍ فيها الزبيـدي مصاليـع
وأنا عليها قدم الأسلاف نطـاس...لاجات حزّات الفزع والزعازيـع
لا صوّت الصيّاح باديٍ بالأرواس...يفرح بي الذود المطرّف ليا زيع
وليا لحقناهم والأريـاق يبّـاس...مركاضنا ماهوب هوزٍ وتمانيـع
وأن لايعونا من وراها بمرواس...عاداتنا نرخي حبـال المصاريـع
عاداتنا نروي شبا كـل عبـاس..ودهم العروق اللي تبوج المداريع




الله الله الله


لله درك ياخالد على ايراد هذه العصماء


والله اني اذكرها وكان عمري 10 سنوات او 11 سنه وكانت من القصائد التي كنت حافظها عن ظهر قلب في هذيك الفتره


الله يرحمهم ويسكنهم فسيح جناته


هذا الشعر اللي يقعد الراس على قولتهم :)


لاهنت يابعدي


أخ وك
ا

الغالي ابو ناصر

يبقى لأشعار الأولين صدى في النفوس

كل الشكر لحضورك وتشريفي بمرورك

دمت بخير وتقبل خالص الود

الاخت العبيه

شكرا لكرم الحضور

ودمتِ بخير

أخوكِ

هلا وغلا ببو عبد الله الله يحفضك علي هاذي العصماء لك وافر الشكر

والبقا يا ابو راشد

وكل الشكر لحضورك الطيب وتعليقك الأطيب

وصح لسااان شاعرها

دمت بود يا غالي

أخوك