![]() |
يالله يــارب العـبـاد المصـلـيـن .. انـك تعـز البـل ونـاسـن قنتـهـا يالله يــارب العـبـاد المصـلـيـن=انـك تعـز البـل ونـاسـن قنتـهـا وانـك تقبـل دعــوه المستغيثـيـن=وترجعلهـا فـي ديرتـن داهلتـهـا ماحـدر العـارض الا حـد يبريـن= لقصى محيط الشـرق هـاذي جهتهـا من منطقـه زايـد وسلطـان ويميـن=هــاذي مرابيـهـا وذي منطقتـهـا مدهال ملحن طايـره شبـح وذهيـن=ياطـول غاربهـا وطـول رقبتـهـا ملحن غشاها الملح والنـور والزيـن=مـن خفـهـا لراسـهـا وشعفتـهـا تفرق علـى صيغـه اكبـار العثانيـن=بالخشـم والخـده وطـول سبلتـهـا عسما يدين مثـل وصـف الموازيـن=يعجبـك ماطـا خفـهـا وعسمتـهـا الا وطت في الارض كـن البراكيـن=مـن ثقـل ماطاهـا تفجـر تحتـهـا فجحا عريضت ساق في خفهـا قيـد=تعجبـك لامـن دبـرت بفجحتـهـا قطاعـت الفرجـه واهلهـا محييليـن=كـم ديرتـن مـن ديرتـن قربتـهـا الابـل عطايـا الله غنـات المقلـيـن=الا رعـت فـي ديـرتـن قبلتـهـا يازينها لاجـات مـن خايعـن زيـن=وامست شباع وجـات حـل ثورتهـا قامولـهـا رعيانـهـا بالمواعـيـن=وتـرزمـت حيرانـهـا لبهلـتـهـا والابل لها عنـد الرجـال العزيزيـن=قيمـه وعصمـان الشـوارب قنتهـا يرعونهـا اللـي يحتمـون المخليـن=كـم جملـتـن ذيدانـهـم ذيرتـهـا دواسـرن يـوم المغـازي خطيريـن=كـم دار قومـن هجنهـم ناوشتـهـا دواسرن يـوم اللقـاء تنـزع الديـن=وكم هجمتن مـن دار قومـن خذتهـا واليوم في حكم الشيـوخ السلاطيـن=اللـي مناهيـج الشريـعـه مشتـهـا اللـي تـرد الـحـق للمستحقـيـن=لـو كـان وزن الخردلـه رجعتهـا الله يثبتنـا عـلـى منـهـج الـديـن=في ظل مـن عـم السعـد مملكتهـا دوله هل العوجـا سعـوط المجانيـن=اللـي حمـت حدانـهـا وحتمتـهـا والله يكافيـنـا شــر الشيـاطـيـن=الـلـي معـالـم دينـهـا هدمتـهـا المرعبـيـن الخاينـيـن الخبيثـيـن=اللـي وصـاه الله لعـبـده نستـهـا وارجو السموحه من الرجال الحشيمين=اللـي يسايـق طيبـهـا معرفتـهـا ودي بمدح حدنا المعارف والاقصيـن=ميـر القصيـده حـرت بمناسبتـهـا واخترت من زين الثمر بيـت بيتيـن=خوفـن عليهـا لاتضـيـع ثمرتـهـا وصلو على المرسـول سيـد النبييـن=ذكـرالله المعبـود فــي تكملتـهـا وسلامتكم محمد بن قحيفان الخضران الدوسري |
صح السان الشاعر محمد الدوسري ولاهنت يا ابو حمد على النقل الطيب |
صح لسان الشاعر ونعم بالاد زايد ولاهنت ,,,,,,,,,,, |
صح السان الخضراني ومشكووووور عالنقل ... |
اقتباس:
|
اقتباس:
ماعليك زود ياذيب ولاتهون تشرفت بمرورك |
اقتباس:
العفو ولاهنت على المرور |
مشكور أبو حمد وصح لسان أبن قحيفان |
اررررررحب يابوحمد , بيض الله وجهك على القصيده الرائعه , وكــــــــــــــفو , صح الله لسان الشاعر المبدع محمد بن قحيفان , |
اقتباس:
|
اقتباس:
|
صح السان الشاعر محمد الدوسري ولاهنت على النقل الطيب تحياتى |
اقتباس:
ولاتهون وحياك الله تشرفت بمرورك |
لاهنت يابو محمدعلى النقل الرائع |
http://www.alhadafa.com/uploadedfiles/images/4856.gif بيض الله وجهك على القصيده الرائعه , وكــــــــــــــفو , صح الله لسان الشاعر المبدع محمد بن قحيفان |
الساعة الآن 23 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |