|
فكرة تنهي التهجين في عالم الابل ارجوا ان تطبق في مزاين ام رقيبة والظفرة السلام عليكم ورحمة الله وبركاته مما لاشك فيه ان التهجين دمر بعض حلالنا وبعض الأبل يبين فيها "سر" باكستانية في الإبل العادية و"سر" سودانية في الركايب وهناك طريقة يرجى تطبيقها واتوقع انها في الخيل لأني القى بعض الخيل اذا نشدت عنه يقول مهجن طيب وش دراك ؟ يقول 60 % انقليزي و 40% عربي . لاكن في طريقة انا استنتجتها خلال التفكير وصدقوني ماطلعت الا من الغبنه اللي فيني . وهو تحليل DNS تجيب اصل الابل الصدق . وفيه اجهزة متقدمة تطلعها في ثواني بس المشكله كيف يحلل 100 ناقة ؟ للمشارك الواحد هذا غير الفئات الأخرى . من رأيي تقتصر على الفردي لأن الفردي هي المنافسة صدق والمركز اللي الصريييييح يعني بالعامي ناقتي اطيب من ناقتك !!!! الموضوع مطروح للنقاش الهادف اخوكم : مناحي المشلهب. |
صبحك بالخير يامناحي ----------------------------------------- والله انك صادق غبنه والله غبنه شوف انا رايي لتساع مساحة المملكه و الخليج من رايي اهم مايكون هو تسجيل البل انخبه للحفص عليها وهي بطبيعة الحال موجوده في ام ارقيبه للمشاركه لانها اهم البل لذالك المفروض تطبيق ما قلته بالئضافه للزرع الشرايح ويتم الفحص الشريحه قبل دخول المزاين مثل لجنت الون والعدد والوسم يضاف لجنت انسب وفحصها سهل وسريع لنا ( يكون المركز في ام ارقيبه وعمله سنوي يتزامن مع موعد المزاين) الجهاز الي يفحص يدوي وما ياخذ ثانيه وحده ---- ودايم تفاجئنا بقتراحاتك الناريه-------- الله يبارك فيك وكثر امثالك تقبل مروري |
الناقه العربيه والباكستانيه والسودانيه الزين زين ومن حصل شيء يستاهله وعقبال ما تأخذ الفردي كلها باكستانيات الزين زين ما علينا من الأصل ابي فرق واحد بين الباكستانيه والعربيه ؟ |
اقتباس:
الله يبارك فيك اخوي عبدالرحمن وهو كذلك وبيض الله وجهك على الأضافة الممتازة |
اقتباس:
وهذا الكلام ينطبق على الخيل الأصيلة المزيونة وش فرقها عن الانقليزية ؟ بالعكس الانقليزية اطول وفقرات ظهرها اطول وكل شيء وتشيل اكثر من مايشيل الخيل العربية لاااااااااكن الخيل العربية اقوى تحمل وفقرات ظهرها اقصر وهو الافضل وقوة تحملها عاليه ولو حطوا سباق 50 كيلو لقيت الانقليزية ماتعدت 10 كيلو صح في اول السباق بتساوا معها في السباق لاكن خلها تعدا كيلو واحد بس . منذر الدوسري شرفني مرورك العطر |
اقتباس:
شكراً على التوضح |
اقتباس:
هذا واجبنا اخوي منذر |
هل هناك فعلا جهاز يكشف عمق البل ؟ وهل تقصد DNA ولا DNS. ايهم اصح؟.... وشكرا لك |
ارجح الفكرة وان شالله ترى النوور ونا مع اخوي المحمدي وتقبل مروري |
هلابك يامناحي عزالله انك صدقت وذي ماجوده ترهاا فالهجن مختبرات يعرفون ابهااا الذلول الاصييله والمهجنه لاهنت |
اتمنى ان يكون مختبر فى المملكه كما هو فى ابوظبى لتثبيت السلالات الاصيل منها والمهجن مثال سلاله شاهين ومياس وجبار وهملول وسراب والخ الخ |
[QUOTE=مناحي المحمدي;277340] اخوي هذا شيء في القلب الباكستانية ماراعاها جدي الله يرحمة وابل الجزيرة العربية هي الابل هي التراث هي اللي عليها العلم ماتوا الفرسان دون عراقيبها سمعت احد من الاولين قصد في الابل الباكستانية ؟ مع ان العرب الاولين في عصر الفتوحات يوم رجعوا مارجعوا الا بالبهورات الحارة :cool: مارجعوا بالابل الباكستانية هذه من جهة اخرى الفرق بوضحة لك الفرق طال عمرك قل حلاها وثقلها الشديد ولو انك بدوي تشد وتنزل عرفت وشنهي الباكستانية ومن ناحية الشكل الباكستانية عليها رثمه فقط وفقارها مدري وش يبي وردوفها صغااار . وهذا الكلام ينطبق على الخيل الأصيلة المزيونة وش فرقها عن الانقليزية ؟ بالعكس الانقليزية اطول وفقرات ظهرها اطول وكل شيء وتشيل اكثر من مايشيل الخيل العربية لاااااااااكن الخيل العربية اقوى تحمل وفقرات ظهرها اقصر وهو الافضل وقوة تحملها عاليه ولو حطوا سباق 50 كيلو لقيت الانقليزية ماتعدت 10 كيلو صح في اول السباق بتساوا معها في السباق لاكن خلها تعدا كيلو واحد بس . منذر الدوسري شرفني مرورك العطر يا مرحبا اخوي المشلهب الله يحييك ونشكرك شكرا جزيل الشكر على هذه المبادره لتصحيح مسار من يرد اللحاق بالركب بصوره غير شرعيه او صوره مشبوهه .... اما بالنسبه لادخال الباكستانيات على اصايل الابل وتبريكها حدر البعير من اجل تركيب بعض الصفات على الانتاج هذا كثير ولا تقدر ولا نقدر ان نجحده ... اخوي المشلهب كيف تبغى الناس تمشي على راييك واكبر المزاينات تدعم هذه الافعال ... والكل منا يعرف ويشوووف هذه الابل بجمالها الفائق دخلت في معترك ومعركة التنافس ... اكثر الناس الحين يدور الباكستانيات على شان ينتج ويلحق الى سبقوه من زمان .. من زمان وهم طايحين في الباكستانيات الى حصلوا على جنسيات عربيه ( طبعا لان الاب عربي ) واصبحت تنافس العربيه بالجمال والكبر والجبر والطول والغرب رغم ان بعض المرات تجيك الباكستانيه العربيه _ السنام طايح على الغارب _ وصار العيز من نص الظهر لين ردوفها :):):):):):) عموما انا اايدك بكل قوه لكن ممكن سوال اخوي ... وانا ادرى ان سوالى سيكون لك غبنه .... وسوف تكتمها ... وتضيفها الى غبناتك الاخريات ...هل ابل العرب هي الى ندور عليها الان .؟؟؟ هل ابل العرب الى تشرى بعشرين الف وفوووووق ؟؟؟ ولا الى من العشره الاف وتحت ؟؟؟؟ هل ابل العرب لها رغبه في السوق والشرايه ؟؟؟؟؟ طبعا الان __ولا مالها رغبه في السوق ؟؟؟ بنات وعيال ابل العرب ما يشتريها الا القصاب والجزار وتقديم للعزايم ونقوده للربع والجماعه والنشاما في مناسباتهم ... اما بنيات وورعان الباكستانيه نسوق عليه الملايين ونحرم السكين منه .... من متى والباكستانيات موجوده ... ياكدلى احد الاخوه انها دخلت اخر الثمانينات ... واكتسحت الاسواق الان ... اقول ياعرب ... اصحو وامسكو ابل اهلنا الى ما تجي الا بالدم وجابها النوماس ... حتى الحين اللهم لك الحمد حتى ( ابو منخر عنده اباعر ) بالفلووووس الله يديم علينا الخير ولا منول بالدم وقويات العزووووم تحياتي لك وللاخوان |
الله يرحم الشيخ زايد بن سلطان اول من افتتح مختبر لتنقية الابل العربيه والمحافظة على سلالتها وهذا يدل على بعد النظر والانتباه من خلط السلالات العربيه بغير العربيه المختبير يقع في امارة ابوظبي واسمه مختبر أبوظبي للابحاث للهجن |
اقتباس:
مشكور على المرور وانا اقصد DNS وشكراً على التصحيح |
اقتباس:
|
| الساعة الآن 25 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |