يامدور الفحل
 

السلام عليكم ورحمة الله وبركاته
اليوم اعرض لكم الفحل المجهم الرباع/شامان
عليه بكره وقعود عند راعيه الاول
بكره على ناقه حمرا وجات زرقا ومواصفاتها حلوه وفوق امها العاديه
قعود مفرود وراعيه رافض بيعه وناوي يفحله وامه مجهم وهو فوقها ايضا
حاليا عليه لقحه تلد هالشهر ان شاء الله
الفحل فكه طلوقه مع احد ملاك الابل ويقول ان عليه حيران هالسنه وماشافهن
الفحل على الشرط زين طبع وزين ضراب وسالم العذاريب
الشكل طيب سنام وغارب وجنب وراس كايف ولو الصوره تقوم مقام المعاينه لقلنا (مايمدح حاضر)
وكلن له شف ونظر
الفحل اعجبني وشريته وعارضه للبيع ان حصل لي مكسب
عن اصل القعود / انا شاريه من رجال شراه من شايب واتصلت شخصيا بالشايب ويقول(الشايب) ان الفحل جاء لسوق الحسا قعود مع ذود واجد وشاف امه واعجبته واعجبه القعود ولايعرف عن ابوه شي/ الرجل قد باع الفحل ولاله مصلحه في التزييف والاصل البراءه وسلامة المسلمين ويعلم الله انه وصانا امسك الفحل لكن البل ماهي واجد وعندي فحل
المهم حاليا ان له انتاج طيب ولا اتصل بي الزبون الجاد وصفت له مكان القعود والبكره واعطيته رقم مالكهم
الله يرزق الجميع من واسع فضله
حاتم العماري/ 0505372836
الفيديو:

http://almzayan.com/index.php/index....getfile&id=560

الصور

http://almzayan.com/index.php?action=getfile&id=561

http://almzayan.com/index.php?action=getfile&id=563

http://almzayan.com/index.php/index....getfile&id=564

ارحب ياحاتم

هل عليه سوم

الاخ / خالد السديري

البعير ما عليه سوم

نسمع منك


تحياتي

الله يرزقك
وين مكانه

الاخ/ سهيل

البعير موجود بالقرب من عشيرة القريبة من مدينة الطائف

تحياتي

اسوم الفحل 10000 ريال

ارحب يافلاح ولا عليك زود
ان ماشريته ارسل لي الضرايب وازهل وانا خدام الطيبين
تقبل تحياتي

سومة طيبه من وجه طيب ونطلب من الله الزود
تقبل تحياتي

ازود 11000 ريال

الله يوفقك اخوي حمد
انت طيب وسومتك طيبه
وانا ماني بايع بهالاسعار
تقبل تحياتي

الله يرزقك بالبيعه الطيبه ياحاتم

افرق السوم البعير علي 12000ريال

مرحبا ياحاتم البعير فيه سر باكستاني .

الله يرزقنا واياك اخي زاهر
سومتك طيبه وقيمة الفحل وراكم
تقبل تحياتي

اخوي محمد
ابو الفحل ما اعرفه ولا يعرفه اللي شراه وهو قعود وامه ماهي باكستانيه ولكن اقولك ملاحظاتي
البعير ممشاه سريع (ويسن الناقه في الخلا لين يطرحها ) ولو تشوف الفيديو بتلاحظ هالشي وسنامه متاخر ولحيه مثل ماتشوف ولا يوجد في قوايمه الشعره البيضاء ولا الشدوق البيض /
وكلنا نعرف ان الممشى البطئ والسنام المتقلط واللحي المتنكس هي اكثر مايبين الباكستاني من غيره وغالبها مايسلم من الشعره البيضا
وان كان قصدك الشامه فماهي غريبه على المجاهيم مثل ماتعرف
هذي ملاحظات والله هو الخالق العالم ان كان فيه سر ولو من بعيد? وان كان انك لاحظت شي علمني ولاهو معيبه عندي
تقبل تحياتي

السوم 20الف عند الاخ زاهر العرجاني تلفونيا