اشرايكم في البعير يا الربع.......بكل صراااااااااااااااحه
 

صباح الخير للجميع....... اتمنى منكم يا اخواني ابداء الراي بدون تحفض او مجامله......والسعر الذي يستحقه........

اتمنى من الاخوان عدم المجامله في ابداء الراي......................
اليعير سنه سديس.......:nothing:

بعير كفوو

وياليت صور اوضح واذا عليه انتاج

صبحك بالخير ياليامي -----
البعير كفو وافي ماعليه كلام
وغيرك معلم ياليامي
اولا:ساس البعير
ثانيأ: زين البعير
وثالثا : وهوالاهم البعير عليه انتاج ولا
وعرض صور انتاجه اذا امكن
وقوت انتاجه هي الي تحكم بسعره
ونكان مابعد انتج ////// قيمته في انضري من دون الميه وخمسين 150,000
والله يــــبارك لراعـــــــــــــــــــــيــــــــــــه
تقبل مروري________________

البعير ماشاءالله عليه طيب شكليا

اذا كان انتاجه فاااخر
مايحتاج الاستشاره

السلام عليكم اذا البعير سنة سديس انتاجه عمارها حقايق ما يحتاج تنظر للبعير اشبح في انتااجه وجبنا صوور الانتاج ماهوب لازم صورة البعير والسعر يعتمد على الانتاج مانقدر نقوول بكم لين نشووف برثه وهذا رايي وتقبل المرور والسلام...........................

معلومات الفحل.........
الاسم:فاهيان
السن:سديس
المالك: محمد بن مطيع أل عامر اليامي
انتاج محلي......يعني من البل
وهذه صورة بنته(حواره 10 شهور)

الاخ العزيز مسفر البعير من وسط الركااااب

والبعير اللي يحكم عليه في هذا السن الانتااااج طال عمرك ومادامك شايف انتااااجه وشتبغي بشكله

وصوره بنته ماهي واضحه ياليت صورتها كامله

السلام عليكم ورحمة الله وبركاته
اخوي مسفر ابتكلم اولا عن البعير ثم ابتكلم عن الانتاج لاني لاحظت ان كثيرا من الناس ما يعرف معنى الانتاج يحسب كل بنت ابوها البعير تسمى انتاجه 0
اولا البعير طيب من حيث الشكل وليس بفاخر يعني بعير بدو طيب مهوب بعير مزاين عمره طيب وشقته طيبه وانا ما شفت موخره واتوقع ان كراعه ردي شوي وهذا بسيط وراس البعير ماعليه مقنوي طيب والبعير في الجمله طيب والله يبارك لك فيه والسعر وما السعر هذا موضوع يطول شرحه 0 وابتكلم لك على الانتاج انتاج البعير انواع كثيره هناك حاشي يجذبه ابوه جذبا قويا وهناك حاشي تجذبه امه جذبا قويا وهناك حاشي بين بين ياخذ من هنا ومن هناك فما هو انتاج البعير من هذه الاشكال 0 اولا الحاشي اللي تجذبه امه سواء بطيب والا بردى لا يسمى انتاج البعير ولو بيع بالملايين او بيع ذبيحه والحاشي اللي يتأرجح بين هذا وذاك بين امه وابيه لا يسمى انتاج البعير وانتاج البعير اللي البعير بيجيب مثله ان شاء الله هو اللي جذبه ابوه جذبا قويا بحيث انك تعرف انه ابوه من اول وهله وهذا اللي تتوقع انك اذا اشتريت البعير بيجيك مثله لان اللي جذبته امه لا يمكن ان ياتي به البعير واللي تساعد امه وابوه فيه لا يمكن ان ياتيك بتاتا لان الام هنا غير الام هناك ثم ان الناقه يمكن تجيب امها وكثيرا ما تاتي الناقه بأمها وكم بعير طار في الخضيرا ثم وقع لان الانتاج هذاك اما مكذوب او ما يسمى انتاج يعني انه انتاج ناقه مهوب انتاج البعير فانتبه لهذا واسال الله ان يوفقنا واياك للخير

بيض الله وجهك يا عبد الرحمن وعند جهينه الخبر اليقين كفيت ووفيتو لا نزيد ,,,,,,,,,,,,,,,,,,,,,,,,,,,,,,,,,,,,,,,

السلام عليكم

من وجهة نظري البعير طيب ومبروك

ويحكم عليه انتاجه

وياكم بعير مهوب على شكله ان شفته طيب وان شفت انتاجه لهو ردي

وياكم بعير ليا شفته ماودك تنوخ عليه بس ساسه طيب ويجيبه في انتاجه

مهيب سوا والي يحكم الانتاج وانا اخوك

الف شكر لكل من شارك وشاهد الموضوع..............................
الله لا يهينكم وبيض الله وجيهكم.....

حسب الصوره
البعير طيب
ولده اقل منه واجد
وفقك الله