البكره تجر رجليها جر (افزعولنا يالربع)
 

السلام عليكم ورحمة الله وبركاته

يالربع انا عندي بكره من يوم شلتها وهي ما عينت خير

قامت تسحب رجليها سحب وجبتلها علاج التهاب مفاصل من الصيدليه

وكنها زانت واطلقتها مع البل ورجعت مثل اول

والحين يوم زينه ويوم لا

واكلها للعلف ضعف وحالتها تردت بالحيل

افزعو لنا يا اهل الخبره الله لا يهينكم

رد لها نفس العلاج يمكن يفيد
انت يوم شلتها معقلها بأسيام ولا بحبال وطولت وهي معقوله ولا لا
بعدين احتمال كبير انها تبرك ماعاد تقوم الله لا يقوله ان بركت ولا عاد قامت اتصل علي او ارسل لي رساله عالخاص وانا اعلمك وش تسوي
لازم تعطينا الصوره كامله لو ماقدرت انفعك لين الصوره واضحه عند غيري

البكره بحاجه لفيتامين E و B1 اما بودر او ابر ومضادات التهاب

الله يشفيها وعندي مثل الحاله والله المستعان