يا صغيره مالك شبيه ٍ مع القود = يا نادرة ذيدان شبه الجزيره
يستاهلك من لا دخل نفسه الزود = الله يعديه الصدوف ويجيره
يم المعالي ما ذخر كل مجهود = لين ان رب البيت بارك مسيره
حبله على درب الشكالات ممدود = من قو باسه ما حسب للعسيره
وان كبرت القالات والعلم بشهود = قدمه كبيرتهن تعود صغيره
كم اتقى به من عناء الوقت مضهود = ضاقت عليه ولا دري وش مصيره
له مآقف ٍ محسوب تبرى به كبود = ويلهد به كبود ٍ علينا ضريره
ذراً لنا من حيث ماهبت النود = ضلع البقوم ولا يحلى بغيره