1غناتي -بكرة ماوسمة صغيره على هديان=
من انياق اكبار تنومس الي للطرب قاني
2-ابوها الي من اوصافه تطايح عنده العربان=
احد يضرب واحد يشري واحد يقصد وانا العاني
3-واخوها ما يباع الا ليا من كثرة الاثمان=
شراه الي يبا انتاج و يعز ابله ويبا اثماني
4-ليا من طبت الفردي وكل جاء على الميدان=
تناظرها اللجان و تاخذ الاول على الثاني
5-بوصفها على مهلي بوصفها وانا طربان=
بجيب الوصف بدقه بجيبه دون نقصاني
6-لها لون كما ليل سدل ستره على الاوطان=
سواد اسود من غراب تكاحل سود العياني
7-لها جرم الثنيه والعمر حقه بلا حسبان =
ثلاث سنين من ولدة ثلاث كنها ازماني
8-لها جرم لها جل لها طول كما البنيان=
لها جمب عريض ضافي بالكتف يزداني
9-مواطيها عن الغارب تجي مترين بلا نقصان=
مواطيها تحطلها فالارض ضرب قيعاني
10-لها نحر كما باب توافد عنده الضيفان=
وعراقيب تفاجحها وذيل تحتها داني
11-ومقدمها سناد ودق عنق مثل غصن البان=
وغاربها طويل والظهر فاهق وملياني
12-لها راس كبير مصندق من غير اي اركان=
مع لحي يجي شبر وفتر وانزاد فثناني
13-واذانيها على الصنقر تشابه شلف ابن هملان=
مع فزر له ارثام(ن) تقول ادلال رسلاني
14-واليا عودنا للمشاء تسابق سايرالذيدان=
على المغتر تغلب بالمشي من دون حقراني
15-قناها ناصر العصلب قناها مكرم الضيفان=
قناها الي يمد الجود من كفه كحيلاني
16-على وجه البسيطه كنه العارض وخشم العان=
كريمن لو بعدد من خصاله يعجز لساني

المشاركة الأصلية كتبت بواسطة خالد النفيعي (المشاركة 269690) صح لسانك على القصيدة الجزلة ويستاهل ناصر العصلب القصيدة وهو راعي العلوم الغانمة ونت كذالك ونت طيب ولا تجيب الا الطيب تسلم يمناك على ها القصيدة الجزلة وبيض الله وجهك

المشاركة الأصلية كتبت بواسطة سفر المري (المشاركة 270729) صح لسانك يابوسلطان قصيدة جزله من شاعر جزل ولاعليك زود يالسنافي وافي ومن ربع وافيين تقبل المرور

المشاركة الأصلية كتبت بواسطة محمد بن جاري (المشاركة 270834) أرررررررررررررحب يانوار وصح السانك ولاهنت على ذا الجزلة ويستاهل العصلب جزل ولا تجيب الا الجزل بيض الله وجهك تقبل تحيات محمد بن جاري

المشاركة الأصلية كتبت بواسطة راشد المخضوبي (المشاركة 271751) صح السانك وبيض الله وجهك