|
اخوكم يبي شورتكم يا اهل المغاتير السلام عليكم ورحمة الله وبركاته وصبحكم الله بالخير يالربع اخواني حقيقة انا لم ارى منتدى متميز بعرضه وبسلامة صدور اعضائه وتكاتفهم كما رأيت في هذا المنتدى الطيب يعلم الله يالربع ان هالكلام ماهوب وسيلة لموضوعي ولا هو بمجاملة لكنه والعالم الله من صميم القلب وبما اني جديد في هالمنتدى باستشيركم ياهل البل يا المناعير اخواني انا عاشق للمغاتير وما سبق اني قنيتها لكن عرضت علي اربع بكار ويقول راعيها وعلى ذمته ان فيها بكرة من مزرعة العاذرية مزرعة الامير عبدالعزيز بن فهد(الله يشفيه) ووحدة ضاربها فحل من فحول الامير ونا صراحة مالي خبرة في الابل وزينها سوى ما اشاهده في المزاينات والمنتدى وانا شفت هالبكار وما شفت فيها صفات الابل المعروضه في المزاينات من طول السنام وتاخره وتهدل المشافر وصاحبها عارضها علي ب 29 الف ريال( سعر شامل للاربع) وما ادري يالربع وابي شورتكم اتوكل على واخذها ولا اخليها وانا مالي غير هداية الله ثم شوركم فلاتبخلوا علي بالرد وبيض الله وجيهكم اخوكم ياسر الحربي |
وعليكم السلام ورحمة الله وبركاته اولا / شكراا على هذه المقدمه الطيبه وهذا من طيب اصلك ثانيا / اما عن البكار ياليت تطرح صورها هنا او تطلب من الي عرضوها عليك انهم يرسلونها لك وسائط ونزلها بالمنتدى وان شااءالله الأخوان الموجودين مومقصرين معك اذا شافوا لها صور ولك احترامي وتقديري اخوك / محمد القحطاني |
حياك الله صورها وابشر بعزك |
مرحبا اخوي ياسر وانت تقول شفت هالبكار وما شفت فيها صفات الابل المعروضه في المزاينات من طول السنام وتاخره وتهدل المشافر هذي ماتجيبها ٢٩٠٠٠ الف ريال هذي يبيلها ثني ركبه .وفلوسك هذي تجيب لك الخلفة المقنوي اللي حدرها بكره هذا الشور ومن استشارك دخل في ذمتك والله يرزقك على قد نيتك . |
ان كان الرجال الي عارض عليك ثقه وساسها طيب مثل ما قال لك. توكل على الله واصبر عليها. انت الكسبان تطلع عليك الوحده 7250 الا اذا خلا لك من قيمتها شي.(مقاني وشبب) بالنسبه لابل المزاين اذا انت حاط في راسك تراها ما تجي الا بالريال والفلوس الواجد والسوق للفحول الطيبه مع العزايم غنايم. |
اقتباس:
وان شاء الله اصورها واعرضها ومجمل ومشكور |
اقتباس:
البقا يالذيب وان شاء الله اصورها واعرضها تقبل تحياتي ياسر الحربي |
اقتباس:
كلامك على العين والراس وان شاء الله يرزقنا ويرزقك من فضله الواسع تقبل تحياتي ياسر الحربي |
اقتباس:
ان شاء الله ان الرجال ثقه وانا والله ما اعرفه لكن الرجال حلف لي ومن حلف بالله فصدقوه وعز الله انك عزمتني والله يبارك لنا ولك تقبل تحياتي ياسر الحربي |
اقتباس:
والا سواء الضن من حسن الفطن البل يعني لا تطوفك لكن بسعرك انت |
نعم وكفو باللي ردوا ولكن نطمع بالخير من بقية الاخوان وان شاء الله مايقصرون اخوكم ياسر بن صالح |
اقتباس:
صدقت وحده من البكار عليها وسم الامير عبدالعزيز بن فهد |
اقتباس:
|
ماندم من استخار ولاخاب من استشار فأنصحك بأستخارة الله في الحديث المعروف وبعدها لاتكثر المشاورة الشور ألي أرتحتله توكل على الله وابدأ فيه اسأل الله لك التوفيق في الدنيا والآخرة |
اقتباس:
ان شاء الله اني بكلم راعيها الليلة وابشريها وبيض الله وجهك وادع لي بالبركة |
| الساعة الآن 28 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |