|
رايكم ياهل الابل عندى وعندكم الخير اثنتين من النياق اضربنها قبل ثلاثة ايام واليوم ولسو الحظ الركبى هد فيها ولاشافه العامل الاقد ضربها على حسب كلامه حسبى الله عليهم السوال هل تلاقح الناقتين على الجمل الاول ام على الركبى ام لايحصل لقاح ارجو الافادة |
هذا علمه عند الخالق سباحنه وتعالى وشف الانتاج عندما تلقح ويبين هي على الاول ولا الثاني بشكله أو انك تضربها ابره تفيخ بالقاح وتضربها من جديد على البعير الي انت تبي هذا ولك تحيتي |
صارت معي في ناقتين لقحن على البعير الاول .... الاولى اضربتها من بكرة يوم الضراب .. والثانيه بعد 4 ايام ....... الله يرزقك بالانتاج الطيب |
مرحبا اخوي علي هذا شيء بيد الله ولا تسبق الاحداث يمكن مايصير لقاح واذا صار لقاح ندعو لك بالبركه. فيه مقوله عند البدو ان اللقاح يكتب على البعير الثاني وهذي مقولة الاولين ولسبب ان لون الفحول واحد وساسها واحد وهنا يمشون على هذا المعتقد.وانا اعرف شخص ا ضرب ناقته بعير اوضح وبعد خمسة ايام اضرب ناقته بعير مجهم ويوم دار الحول جابت قعود اوضح .وانا اقول الخيره فيما اختاره الله . |
هذا شي غيبي ولا احد يجزم لك انها على الاول او على الثاني لكن الي اعتقده انا انه للاول وحصلت معي وطلع الحوار للاول |
العلم عند الله ولكن صارت معي انا في ناقه وضحا مضربها اوضح وجا5 او اربع ايام ويجيها بعير مجهم وهو يضربها وهي تلقح عليه وجابت قعود اسود اقشرن ماودك تعاين فيه وكل شي بيد الله وما انصحك في الابر |
سئلت احد الشيبان وقال فى اغلب الاحوال لايحصل للقاح ولكن مامدى صحة هذه المقولة |
شكرا لجميع الاخوان المشاركين فى الموضوع على مشاركتهم |
اذا لقحت كلها الثلاث اضرب ثنتين منها ابر يسره تفيخ بها وضربها من جديد والثالثه خلها وترزق الله لان هذا الشيء لا احد يقدر يجزم به على الاول والا على الثاني |
| الساعة الآن 22 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |