|
جذعه من خلقتها ماشافت البعير تشاول !!! الحل؟ بسم الله الرحمن الرحيم يالربع عندي بكرة من واهي حواره ماشافت الفحل... ويوم جات جذعه وديتها مع اماتها وجات صوب البعير قامت تشاول والظاهر انها عشرت ثم كسرت ثم اضربها بعير اخر وتمت لها سبوعين وشاولت وعلى المشاول لين اللي معها من البل بينت لقحات ثم عرضتها للبعير واضربها وقطعنا عنها الصيد و استمر على المشاول ........................... ثم جات للبعير ( وسنه شاق ) ومايطرح الا المياسير ولاهابته شاولت وزمت عمرها تقول لقحا لكن البعير طرحها غصب ولا ارغت واضربها وسئلت الدكتور يقول معشش حياها.!!!! واهي من خلقتها ماشافت بعير ؟!! ماهي حالت الناقه ؟ وماهو الحل مع العلم ان البعير له سبوع مضربها؟ وماهو الحل القاطع لمعرفت لقاحها واهي تشاول مع هبوب الريح واهي راكدة لافيها خرشه ولاخوف |
اخوي سعد يمكن الناقة اتشول اشوال خوف ويمكن إلتهابات وراعية الالتهابات ماداني البعيرويسرتها قليله هاذي علاجها حبوب تحط في قرن ناقة وتحمى من البعير 15يوم ومع لضراب تضرب بابرة تقوية هرمونات هاذي الحالة صارت معي وعقب ماعالجتها لقحةالناقة |
هذا الكلام الصحيح |
اقتباس:
الله لايهينك ياذا السنافي ,,, لكن هل الناقه اللي فيها التهابات تشاول؟ وهل اذا عرضت لبعير ماترغي؟ يعني ميسر؟ والظاهروالله اعلم ان كلامك صحيح مبطي من يومها حقه واهو يظهر مع حياها افرازات وفيها ذا الحين صيد عجزنا عنه |
أرحب يا سعد البكرة ما يسرت وأنا أخوك وشوالها معناه ما فيها يسرة بالإضافة إلى خوفها من البعير والدكتور اللي قالك معشش .. قله يخلف الله على أم جابتك أنتبه وأنا أخوك البكرة ما فيها صيد ولا تخلي أحد يتعبث في ناقتك ولا يدخل عليها البكرة بتيسر من حالها بإذن الله ومافيه داعي أدويه ولا غيرة تابعها وإذا شفتها تهدر على البل ولا لاحظت أن حياها متهدل فعناها أنها ميسرة أدخلها على البعير وبتلقح بإذن الله وإن كنت مستعجل عطها أبرة ترومايسين 30 ملم (مرة وحده فقط ) وبعدها بثلاثة أيام عطها أبرة يسرة (استروميت) 4 مل واعرضها على الفحل بعد أربعة أيام. وسلامتك |
| الساعة الآن 12 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |