ابي الشور والنصيحه يالربع
 

مساكم الله بالخير يااخواني اعضاء منتديات مزاين

انا ودي آخذ رايكم

انا عندي القعود سنه حق

قبل شهر تهبد درف الحديد بنحره

وطلع في نحره ورم وصار يضلع منها

وتعب علي وصار حتى العلف ماياكل

حاله تردا ولاعاد يبرك

واخذت الدكتور عماد حق صيدلية التويجري ووصفلي ابر حق التهاب المفاصل

اربع ايام وخفت الورمه شوي وكنه بدا ياكل شي بسيط ولا ياكل الا برسيم

وبعدها باسبوع طلعت له ورمه في عرقوبه ولايقدر يبرك

وحاله تردا

ولا عاد ادري وش اسويبه

كثرت عليه الابر وانا خايف عليه منها

وش النصيحه عساكم سالمين

اخوكم

ناهس بن عصاي

نصيحتي خف عليه الأبر وعطه أبرة مضاد حيوي بوقت معين هذا نصيحتي

صارت معاي مثل هالحاله
فكيت القيد وخليت البعير هدد بدون شي
وحطيت زيت زيتون على الورم والنحر
وعشرين يوم وصار زين بدون ابر
وكان ما يقدر يقوم يوم ونص بارك

الله لايهينك يابخيت

والله انك صدقت وبيض الله وجهك

يامرحبا بك يانواف

والله يجزاك خير

وبيض الله وجهك