الفزعة ياهل الابل
 

يالربع عندي ناقة ولدت قبل اربعة ايام وقامت ولابها الا العافية ومن امس الصبح عيت تقوم


اضن انها توهنت

ولا ادري وش السبب

من عنده تفسير لهالحالة !!

ومن يعرف للوهان كوية

مرحبا يامناحي فيه ابر فيتامينات عند البيطري وكلم لك راعي ونش ينهضها حط لك بطانيه تلف بها على السبته من حدر الناقة والله يسلمها واهلها .

اخوي محمد بيض الله وجهك ولا هنت الونش مقدور عليه لكن الابرة للاسف غير متوفرة الابل بعيد وماعندها الا الرعيان

اذا تخبر لي كويه افزع لنا لاعدمناك

وعسى الله مايوريك مكروه في حلالك والمسلمين

اول شي هل الناقه طاح سلاها ؟؟
واذ1 ماطاح سلاها فيه ابره تنضيف عطها وانشالله تشفى ..


اما عن كي الوهان فيه له كيه مطرقين مع الثفنه ومطرق مع اليدين بس اخوي خل اخر علاجك الكي ..

الكوي في اليدين من فوق من ورى وانا اخوك عباره عن رقمه تكون نضيج وماتبين عشان نقول انها بتشوه الناقه واكيد ان ناقتك سمين

الناقة تفداكم وفعلا اخوي صالح احوالاء الناقة ماطاحت وذبحتها حسبي على العمال هي اول ماسئلت عنها وقالو طاحت

الله لايهينكم ياخوان ولا يريكم مكروه في حلالكم

الله يجعلها فاديه اهلها يالعتيبي

فالمال ولا فالعيال

انشهد انك صادق وحمد لله على كل حال

فاديه راسك

يسلم راسك اخوي

فاديتن اهلها
والله اعوضك باحسن منها
دمت بود

ان شاء الله انها فدا لاهلها
والله يعوضكم خير منها